“Inter Mayami” KONKAKAF Chempionlar Ligasi 1/8 finali dastlabki o‘yinida Yamaykaning “Kavalier” klubini 2:0 hisobida mag‘lub etdi. Jamoa yetakchisi Lionel Messi ketma-ket ikkinchi uchrashuvni o‘tkazib yubordi.
Oxirgi ikki bahsda Leo na asosiy tarkibda, na zaxira o‘rindig‘idan joy oldi. Bosh murabbiy Xaviyer Maskerano bu qarorni futbolchining ehtimoliy jarohatdan saqlanish maqsadida qabul qilganini bildirdi.
ESPN xabariga ko‘ra, argentinalik yulduzda hech qanday jarohat yo‘q, balki jismoniy holatini yaxshilash uchun dam olgan. Messi bundan oldin MLS doirasidagi “Xyuston Dinamo”ga qarshi bahsda ham maydonga tushmagan. Shundan keyin murabbiy Xavier Maskerano Messi haqida quyidagilarni aytdi:
Leo mashg‘ulotlarda qatnashdi. Kecha ham, bugun ham to‘liq shug‘ullandi. Uning ahvoli yaxshi, ammo biz u uchun eng yaxshi qarorni qabul qildik. Messi 6 kun ichida 3 ta o‘yin o‘tkazdi. Shuning uchun unga biroz dam berishga qaror qildik
Keyingi o‘yinda Messi maydonga tushadimi yoki yo‘q, bu hozircha noma’lum. Joriy mavsum futbolchi MLS doirasidagi 1 uchrashuvda maydonga tushib, 2 assist muallifiga aylangan. “Inter Mayami” 2 uchrashuvdan keyin 4 ochko bilan turnir jadvalida 3-o‘rinni egallab turibdi.
Izoh (0)