40 yoshdan keyin hayotning yangi bosqichi boshlanadi, deyishadi. Muvaffaqiyatli karyera qurib, 40 yoshdan so‘nggina ona bo‘lgan mashhur koreys aktrisalari ushbu fikrning yaqqol misoli.
Son Ye Jin
Taniqli aktyor Xyon Bin bilan turmush qurgan aktrisa Son Ye Jin 2022-yilning noyabr oyida ilk marta ona bo‘lgan. Aktrisa quvonchini muxlislari bilan bo‘lishar ekan, 2022-yil uning hayotida o‘chmas iz qoldirganini aytib o‘tgan.
“Sizga ma’lumki, oilamiz a’zolari soni yana bittaga ko‘payib, bizning farzandimiz dunyoga keldi. Farzand o‘ziga xos parvarishni, mehrni talab qilishini yaxshi tushunaman, shuningdek menga ko‘plab insonlarning yordami ham kerak bo‘ladi. Men bu insonlarga chin dilimdan minnatdorchilik bildiraman”, degan edi aktrisa.
Son Ye Jin o‘zbek tomoshabinlariga “Yoz ifori” serialidagi obrazi bilan yaxshi tanish.
Chxve Ji U
“Qish sonatasi”dagi Yujin obrazi orqali mashhurlikka erishgan aktrisa Chxve Ji U 2021-yilning may oyida 45 yoshida ilk marta ona bo‘lgan edi. U jajji qizaloqni dunyoga keltirgan.
Xani Li
Aktrisa Xani Li 40 yoshida sog‘lom qizaloqni dunyoga keltirgan. Xanining qizi Seul shahridagi tug‘ruqxonalardan birida dunyoga kelgan. Aktrisa “Bir ayol” serialida suratga tushayotgan vaqtida homilador ekanligini bilib qolgan.
Li Yon E
“Saroy javohiri” serialidagi Tangem obrazi bilan o‘zbek tomoshabinlari mehrini qozongan aktrisa Li Yon E 2011-yilda egizak farzandlarni dunyoga keltirgan. O‘shanda u 40 yoshda edi.
Aktrisa AQShda istiqomat qiluvchi koreyalik biznesmenga turmushga chiqqanini uzoq muddat ommadan sir tutgan. Li Yon E ijtimoiy tarmoqlardagi sahifalarida onalikning baxtli onlari aks etgan suratlar va ma’lumotlar bilan tez-tez bo‘lishib turadi.
Izoh (0)