Mashhur aktyor Jan-Klod Van Damm rafiqasi Gledis Portuges bilan baxtli turmush qurgan, hozirda ular ikki farzandni tarbiyalamoqda. Lekin er-xotinning munosabatlarida juda ko‘p qiyin daqiqalar bo‘lgan, hatto ajralishgacha borishgan. Ammo sobiq turmush o‘rtoqlar tez orada ularning sevgisi har qanday to‘siqlardan kuchliroq ekanini tushunishadi va yana turmush qurishadi.
Jan-Klod Van Dammning 5 nikohi
Mashhur aktyorning 4 ta xotini va 5 ta nikohi bo‘lgan. Gap shundaki, u rafiqalaridan biriga ikki marta uylangan. Van Dammning Mariya Rodriges bilan birinchi nikohi 4 yil, Sintiya Derderyan bilan bo‘lgan ikkinchi nikohi taxminan bir yil davom etgan.
Yulduzning uchinchi rafiqasi kulturist Gledis Portuges bo‘ldi. Ular 1987-yilda turmush qurishadi. To‘rtinchi marta u model va aktrisa Darsi Laperga uylanadi. U bilan ham ajrashgandan so‘ng, aktyor uchinchi xotini bilan yarashadi. 1999-yilda Jan-Klod va Gledis yana turmush qurishga qaror qiladi.
Jan-Klod Van Dammning uch nafar farzandi bor. Ikki o‘g‘lini Gledis Portuges, kichigini Darsi Laper dunyoga keltirgan.
Aktyor, jang san’ati ustasi va rejissyor Jan-Klod Van Damm va kulturist, fitnes-model hamda aktrisa Gledis Portuges darhol umumiy til topishgan
Shunday qilib, Gledis Portuges Jan-Klod Van Dammning uchinchi va beshinchi rafiqasiga aylanadi. Aktyorning o‘zi tan olganidek, Gledis uning haqiqiy muhabbati edi. Dastlab yoshlar sportga bo‘lgan qiziqish tufayli umumiy til topishadi. Har qanday juftlik singari ular ham qiyinchiliklarga duch kelishadi. Shu sababli bolalari tug‘ilganidan ko‘p o‘tmay, er-xotin ajralishadi. Jan-Klod boshqa ayol bilan baxtli bo‘lishga urinib, qayta uylanadi, lekin bu nikoh uzoqqa bormaydi. Tez orada aktyor Gledis uning haqiqiy sevgisi ekanligini tushunadi va uning yoniga qaytadi.
15 yillik baxtli turmushdan so‘ng, ular yana muammolarga duch kela boshlaydi
2015-yilda Gledis ajralish sababi ularning murosasiz kelishmovchiliklari ekanligini aytib, ikkinchi marta ajrashish uchun ariza beradi. Taxminan 2 oy o‘tgach, er-xotin ikkinchi marta yarashishga qaror qilishadi.
“Bizning oilamiz avvalgidek kuchli. Dunyoda ajralishlar juda ko‘p va bu bolalarga yomon ta’sir qiladi”, deydi Jan-Klod Van Damm.
Ular bir-birlarini qanchalik sevishlarini va ajralish ular uchun ham, bolalari uchun ham juda og‘ir bo‘lishini o‘z vaqtida tushunishadi.
“Er-xotin muammolarni birgalikda hal qilgani uchun ham uchun er-xotin. Men oldin ham ajrashganman va bu jarayon bolalarga ham, ota-onalarga ham hech qanday naf keltirmaydi. Agar odamlar eski davrlardagidek bir-birlariga mehrli bo‘lganida edi, nikohning qadri qaytib kelgan bo‘lardi”, deya tan oladi aktyor yarashishga uchinchi marta urinib ko‘rishga qaror qilganlaridan so‘ng.
Undan faqat bolalar sabab birga qolishga qaror qilganliklarini so‘rashganda, u shunday javob beradi: “Yo‘q. Ajralish — shunchaki so‘z. Muhabbat esa ilohiy tuyg‘u. Biz esa bir-birimizni sevamiz”. Jan-Klod Van Damm va Gledis Portuges haqiqiy tuyg‘ular har qanday to‘siqlarni yengib o‘tishini yana bir bor isbotladi.
Izoh (0)