“Toshkent mintaqaviy temiryo‘l uzeli” Toshkent—Hojikent elektropoyezdi qatnovi Chinorkentgacha uzaytirilganini e’lon qildi.
-cz19aOz3.jpg)
Ma’lum qilinishicha, Hojikentdan Chinorkentgacha 1,5 kilometr masofaga temiryo‘l qurildi, shuningdek, “Chinorkent” temiryo‘l bekati qurib bitkazildi hamda 22-yanvar kuni foydalanishga topshirildi.
Bu yerda 150 metr uzunlikda perron hamda soyabon qurilib, imkoniyati cheklangan yo‘lovchilar uchun sirg‘anishga qarshi plitalar o‘rnatildi hamda yo‘lovchilar uchun yerosti tunneli barpo etildi.
Shuningdek, Toshkent viloyatining Parkent tumanida Baytqo‘rg‘on—Parkent elektrlashtirilgan temiryo‘l qurilishi boshlandi.
Mazkur elektrlashtirilgan temiryo‘lning umumiy uzunligi 23,8 kilometrdan iborat bo‘ladi. Yangi yo‘nalishni loyihalash ishlari “Boshtransloyiha” AJ, qurilish ishlari esa temiryo‘lchi mutaxassislar tomonidan amalga oshiriladi.
2024-yil dekabrida Toshkent—Hojikent yo‘nalishi uchun yangi tezyurar elektropoyezdlar yo‘lga qo‘yildi. Poyezd soatiga 120 kilometrgacha tezlikka chiqa oladi. Shavkat Mirziyoyev 6-dekabr kuni ushbu poyezdga chiqib, harakatlanishi va qulayliklarini ko‘rgandi.
Ushbu yo‘nalishda harakatlanuvchi tezyurar yo‘lovchi elektropoyezdlar 10-yanvardan boshlab Janubiy vokzaldan harakatlanmoqda. Unga qadar Shimoliy vokzaldan harakatlangan.
Izoh (0)