Tojikiston prezidenti Emomali Rahmon 23-yanvar kuni Sherali Mirzoni mudofaa vaziri lavozimidan ozod qildi. Bu haqda Sputnik xabar berdi.
Rahmon sobiq mudofaa vazirini Tojikiston hukumati huzuridagi Davlat sirlarini himoya qilish boshqarmasi boshlig‘i etib tayinlandi. Vazirlikni esa Emomali Sobirzoda boshqaradi. U bungacha mudofaa vazirining birinchi o‘rinbosari lavozimida ishlagan.
Bobojon Saidzoda esa mudofaa vazirining birinchi o‘rinbosari, Tojikiston Qurolli kuchlari bosh shtabi boshlig‘i etib tayinlandi.
Habibullo Vohidzoda mamlakat bosh prokurori lavozimiga taklif etildi: hozirda u bosh prokuror o‘rinbosari — Tojikiston bosh harbiy prokurori lavozimini egallab turibdi.
Sherali Mirzo 1967-yil 24-mayda Xatlon viloyatida tug‘ilgan. Perm harbiy oliy o‘quv yurtining bitiruvchisi, 1994-yildan boshlab Tojikiston Qurolli kuchlarida xizmat qilmoqda.
- 1995-1997-yillarda Tojikiston quruqlikdagi qo‘shinlari o‘qchi brigadasi komandiri,
- 1997-2002-yillarda Tojikiston Qurolli kuchlari tez yordam brigadasi komandiri.
- 2002-2004-yillarda Frunze nomidagi harbiy akademiyaning kursant.
2005—2006-yillarda Tojikiston mudofaa vazirining o‘rinbosari — mamlakat Qurolli kuchlari quruqlikdagi kuchlari qo‘mondoni bo‘lgan. 2006-yil 5-dekabrda Tojikiston Davlat xavfsizlik qo‘mitasi raisining birinchi o‘rinbosari, Tojikiston Davlat xavfsizlik qo‘mitasining chegara qo‘shinlari qo‘mondoni etib tayinlangan.
Izoh (0)