Olmaliqning “OKMK” klubi yaponiyalik yarim himoyachi Naoaki Senaga bilan shartnoma imzoladi.
“Jamoa qishki transferlar oynasida osiyolik hujumkor yarim himoyachi — Naoaki Senagani o‘z tarkibiga qo‘shib oldi. 26 yoshli yapon futbolchisi markaziy chiziqlarda har bir pozitsiyada o‘zini mukammal namoyon qila olish qobiliyatiga ega.
177 sm bo‘yga ega bo‘lgan Senaga, faoliyati davomida Yaponiya, Chernogoriya va Vengriya chempionatlarida o‘zining yuqori darajadagi o‘yinlari bilan tanilgan. Uning so‘nggi jamoasi “Debresen FK” klubi bo‘lib, o‘tgan mavsumda 34 ta o‘yinda maydonga tushgan. Shu davr mobaynida, yaʼni, Yevropadagi faoliyatida u 9 ta gol urib, 3 bor golli uzatmalarni amalga oshirgan. Endilikda, “OKMK” va futbolchi o‘rtasida 2 yillik shartnoma imzolandi”, deyiladi matbuot xizmati xabarida.
Toshkent viloyati jamoasi tarkibida bunga qadar yaponiyalik Arihiro Sentoku tep tepayotgandi.
Ma’lumot uchun, “OKMK” klubi yakuniga yetgan 2023—2024 mavsumda tarixda ilk bor kumush medallarga ega chiqqandi.
Izoh (0)