Isroilning Tel-Aviv shahrida pichoq bilan qurollangan erkak o‘tkinchilarga hujum qilishi oqibatida 4 kishi jarohatlandi. Bu haqda Ynet xabar berdi.
Xabarga ko‘ra, huquq-tartibot idoralari hodisani terakt deb baholagan. Hodisa shaharning janubiy qismidagi Naxolat-Binyamin ko‘chasi hududida sodir bo‘lgan. Hujum qilgan erkak zararsizlantirilgan.
U 18-yanvar kuni Isroilga sayyoh sifatida kelgan. Hujum AQSHda yashash guvohnomasiga ega bo‘lgan 29 yoshli marokashlik Qodi Abdel Aziz tomonidan sodir etilgan. U Naxolat-Binyamin ko‘chasida uch nafar tinch aholiga va Gruzenberg ko‘chasida bir kishiga hujum qilgan.
“Terrorchi xavfsizlik kuchlari tomonidan zararsizlantirildi”, deydi politsiya matbuot xizmati.
Taxminlarga ko‘ra, hujum qilgan erkak shahar markaziga motosiklda kelgan. Guvohlar uning jinoyat sodir bo‘lgan joydan qochishga uringanini ko‘rgan.
18-yanvar kuni pichoq bilan qurollangan erkak Tel-Avivda o‘tkinchilarga hujum qilgandi. U Levantin ko‘chasida bir kishiga pichoq bilan zarba berishga uringan, shundan so‘ng uni boshqa bir o‘tkinchi otib tashlagan. Oqibatda 20 yosh atrofidagi erkak tan jarohati olgan. Hodisa politsiya tomonidan gumon qilinayotgan terrorchilik harakati sifatida o‘rganilmoqda.
Izoh (0)