Dubayning iliq plyajlari va qiziqarli safarlari: ochiq havoda faol dam olamiz

Qishda Dubay yoqimli quyosh ostida, ochiq havoda faol hordiq turlaridan rohatlanish uchun ideal joyga aylanadi. Shahar mehmonlar uchun plyaj relaksidan tortib, sahro yoki tog‘larda unutilmas sarguzashtlargacha bo‘lgan ko‘plab variantlarni taklif qiladi.

Qish faslida Dubayda oilangiz bilan ochiq osmon ostida vaqtingizni qanday qilib qiziqarli va vaqtichog‘liq bilan o‘tkazish borasida siz uchun bir nechta g‘oyani tayyorladik.

• Plyajlar

Kite Beach – oddiy plyaj emas, bu Dubayning layfstayl-markazi. Unda keng plyaj hududi, sayrlar uchun obodonlashtirilgan xiyobon, ko‘plab qahvaxonalar, restoranlar va faol dam olish uchun imkoniyatlar mavjud. Qishda Kite Beach plyajida kaytsyorfing, sapsyorfing, plyaj sport turlari yoki butun oila bilan zavqli hordiq chiqarish uchun ajoyib sharoitlar yaratilgan.

Plyajda yanada yaxshiroq va odamlardan xoliroq dam olishni istaysizmi? Unda Dubayning ko‘p sonli plyaj klublaridan birini tanlash imkonyati bor. Masalan, yaqinda renovatsiyadan keyin ochilgan J1 Beach  (sobiq La Mer) plyaj-restoran majmui. U nafaqat plyajda dam olishni yoqtiradiganlar, balki lazzatxo‘rlar uchun ham haqiqiy topilma. Xullas, e’tiboringizni bir nechta plyaj klublariga qaratamiz:

Bâoli Dubai
Ushbu plyaj klubi mehmonlarga tropik muhitni, o‘zida sharqona ta’mga ega frantsuz va O‘rta yer dengizi hududining tansiq taomlaridan iborat menyuni va Dubay “yuragida” unutilmas hordiq uchun ideal mos keladigan bejirim makonni taklif etadi.

Gigi Rigolatto
Gigi Rigolatto klubi Dubay sohiliga italyancha hayot tarzini olib kirgan. Bu yerga kelgan mehmonlarni tansiq taomlarni o‘z ichiga olgan taomnoma, ko‘rkam bog‘, xususiy basseyn,  Bellini bari, bolalar burchagi va kontseptual do‘kon kutadi. Gigi Rigolatto – hashamat ishqibozlari uchun ideal joy. 

African Queen
Bu o‘z intererida O‘rta yer dengizining nafosati va Afrika mavzularini birlashtirgan makon. African Queen taomnomasi yorqin ekzotik ta’mlar va O‘rta yer dengizi an’analarini uyg‘unlashtirgan taomlardan iborat bo‘lib, yangi olib kelingan dengiz mahsulotlarini, grilda tayyorlangan taomlarni va mavsumiy gastronomik lazzatlarni o‘z ichiga olgan.

Bundan tashqari, shaharda kattalar ham, bolalar ham vaqtini chog‘ o‘tkazishi mumkin bo‘lgan ko‘plab oilaviy plyaj klublari bor. Ulardan eng ommaboplari: Palm Jumeirah orolida joylashgan Riva Beach Club va Peaches & Cream, Palm West Beach plyajida joylashgan February 30, The Westin  majmuidagi Sofitel Dubai The Palm, Club Mina, Jebel Ali hududidagi JA The Resort, JBR hududida joylashgan Jumeirah Zabeel Saray, The Ritz-Carlton Dubai.

• Akvaparklar

Dubayda dunyodagi eng katta Aquaventure Waterpark akvaparki joylashgan. Unda ekstrim ishqibozlari uchun yuzdan ortiq suv tog‘lari faoliyat ko‘rsatadi. Sokin oquvchi daryolar bo‘ylab qayiqda sayr qilgan holda o‘z vaqtini osoyishta o‘tkazishni yaxshi ko‘radiganlar uchun ham sharoit yaratilgan. Shu bilan birga, kichkintoylar va kattaroq yoshdagi bolalar uchun mo‘ljallangan zonalar ham mavjud.

Uncha katta bo‘lmasa-da, qiziqarliligi bo‘yicha qolishmaydigan Wild Wadi, Laguna Waterpark, LEGOLAND Waterpark akvaparklarini ham qayd etish joiz. Ularning har birida suv tog‘lari, to‘lqinlarni hosil qiluvchi basseynlar va bolalar uchun mo‘ljallangan zonalar mehmonlarga muntazir.

• Plyajda kemping

Jebel Ali tumani vaqtni, shahar qulayligini tabiat qo‘ynida dam olish bilan birga uyg‘unlashtirgan holda, o‘tkazish kabi noyob imkoniyatni taklif etadi. Bu yerda chodir qurib, oilangiz bilan tabiat qo‘ynida dam olishingiz, Arab ko‘rfazi va yulduzli osmon manzaralaridan zavqlanishingiz mumkin bo‘lgan keng qumli plyaj bor. Kempingga otlanishdan oldin Dubai Municipality ilovasi orqali onlayn tarzda Dubay ma’muriyatidan ruxsatnoma olish lozim.

• Sahroda safari

Bu BAAning o‘ziga xos madaniyati bilan tanishish va qumtepaliklarni aylanishdan o‘tkir hissiyotlarni boshdan kechirishning maqbul usuli.

Ushbu turning eng ommabop qismi – bu jip-safari. Siz to‘liq yuritmali avtomobilda qumtepaliklarning tik yonbag‘irlari bo‘ylab sayr qilasiz. Tajribali haydovchi jipning barcha imkoniyatlarini namoyish etadi, safardan unutilmas taassurotlar olishingiz tayin. Bundan tashqari, sayyohlarga qumtepalar bo‘ylab kvadrotsikllarda, tuyalarda sayr qilish va, hatto, sendbording, ya’ni snoubordingning sahro varianti bilan shug‘ullanish imkoniyati ham taklif etiladi.  

Sahroga sayohatning eng maroqli qismi – bu yulduzli osmon ostida yozilgan dasturxon. Siz mahalliy oshxona taomlari va folklor-shoudan bahra olishingiz mumkin.

• Xattada xayking

Xatta – Dubayning baland tog‘li hududi. U shahardan bor-yo‘g‘i 90 daqiqalik masofada joylashgan. Aytish joizki, tog‘li Dubay ham  o‘z ixlosmandlariga ega bo‘lmoqda, chunki u hordiq chiqarishning ko‘plab variantlarini taklif etadi. Masalan, bu lojuvard Hatta Dum ko‘li bo‘ylab qayiqda sayr qilish, Hatta Wadi Hub ko‘ngilochar markazida bolta va kamondan otish, qoyaga ko‘tarilish sporti bilan shug‘ullanish va, albatta, Xatta tog‘larida xayking – unda sayyohlar uchun murakkablik darajasi turlicha bo‘lgan trassalar tashkil qilingan. Aytganday, Xatta trassalari tog‘ velosipedlari uchun ham moslashtirilgan. Velosipedni o‘sha joyning o‘zida ijaraga olish mumkin.

• Al Qudra sahrosidagi ko‘lda hordiq

Al Qudra cho‘li – velosport ishqibozlari orasida mashhur bo‘lgan joylardan biri. Bu yerdagi trassa qariyb 50 km ni tashkil qiladi. Uni tayyorgarlik darajasiga qarab qisman bosib o‘tish mumkin. Velosipedni shu yerda ijaraga olsa bo‘ladi.

Bundan tashqari Al Qudra – oila a’zolaringiz bilan piknik tashkil qilish uchun ideal joy. Bu yerda bir nechta ko‘l joylashgan: Flamingo Lake – yuzlab turdagi qushlarning boshpanasi, Love Lake – ikki yurak shaklidagi ko‘l. Uning sohilida barbekyu tayyorlab hordiq tashkil qilish hamda mahalliy fauna – oqqushlar, o‘rdaklar, flamingo va fenek tulkilarini kuzatish mumkin. Ehtimol, Birlashgan Arab Amirliklarining milliy jonivori – oq oriks kiyigini ham ko‘rish nasib qilar.

• Adrenalin zaryadi

XLine Dubai Marina ziplayni – dunyodagi eng uzun shahar ziplayni. U bir kilometrni tashkil qiladi, maksimal tezligi esa – 80 km/soatgacha. U  Dubai Marina ko‘rfazini mutlaqo boshqa nuqtadan tomosha qilish uchun ajoyib variant.

Parashyutdan sakrash Skydive Dubai  bilan tandemda sizga nafaqat adrenalin zaryadini beradi, balki Palm Jumeirah orolining ko‘rkam manzarasini ham taqdim etadi.

• Dengiz sohilida va dengiz bo‘ylab sayr

Dubai Marina Walk xiyoboni bo‘ylab sayr – Dubayda o‘tkazgan faol kuningizni yakunlashning eng yaxshi usuli. Siz ko‘rkam Bluewaters oroli tomon yurib, ko‘plab chiroyli fotosuratlarni olishingiz, muzqaymoq yeyishingiz, attraksionlarda uchishingiz hamda sohil bo‘yida joylashgan va dengizga qaragan qahvaxona va restoranlardan birida kechki ovqatni tanovul qilishingiz mumkin.

Dhow CruiseDubai yaxtasida sayohat Dubay sohilini boshqa rakursdan tomosha qilish imkonini beradi. Bu nafaqat suvda sayr, balki go‘zal manzara va aql bovar qilmas muhitda to‘laqonli kechki ovqatlanish imkoniyatini ham anglatadi.

• Dubayning istirohat bog‘lari

Safa Park va Zabeel Park – bu shahardagi eng ommabop jamoat bog‘lari. Ular Dubay markazidagi yashillik va sokinlik go‘shasi. Istirohat bog‘lari gulzorlar va sersoya daraxtlar, ekzotik sayroqi qushlar, ko‘llar va favvoralar orasida sayr qilish va pikniklar tashkil qilish uchun juda mos keladi. Bu yerda bolalar uchun turli-tuman attraksionlarga boy maydonchalar jihozlangan, shuningdek velosiped yo‘laklari va sport maydonlari ham mavjud.

Reklama huquqi asosida.