“O‘zgidromet” tezkor gidrometeorologik axborot e’lon qildi.
Unga ko‘ra, 20—22-dekabr kunlari O‘zbekiston hududiga yana nam va sovuq havo massalari kirib kelishi kutilmoqda. 20—21-dekabr kunlari respublika bo‘yicha ba’zi joylarda yog‘ingarchilik (yomg‘ir, qor) kuzatiladi, tog‘oldi va tog‘li hududlarda kuchli bo‘lishi mumkin.
Shamol tezligi ba’zi joylarda 13-18 metr/sekundgacha kuchayadi. 21—22-dekabr kunlari havo harorati kechalari 7-10 daraja sovuqqacha, kunduz kunlari 0-3 daraja sovuqqacha pasayadi.
Yo‘llarda yaxmalak kuzatiladi.
“O‘zgidromet” 20-dekabr, juma kuni baʼzi joylarda yomg‘ir va qor ko‘rinishidagi yog‘ingarchilik kuzatilishi haqida avvalroq xabar qilgandi. 19-dekabrgacha havo harorati kechasi 0-2 daraja sovuqqacha, kunduz kuni 5-7 daraja iliqqacha, janubda baʼzi joylarda 10 daraja iliqqacha ko‘tarilishi prognoz qilingan.
Izoh (0)