Bel sohasidagi og‘riqlar har doim ham buyrak kasalliklaridan yuzaga kelmaydi. Ba’zida bel va orqa tomondagi kuchli og‘riq butunlay boshqa kasalliklardan dalolat berishi mumkin. Bugungi maqolada ayollarda buyrak kasalliklari yuzaga kelganda qanday belgilar paydo bo‘lishi va uni diagnostika qilish haqida ma’lumot beramiz.
Ayollarda chap buyrak og‘riganda qanday alomatlar paydo bo‘ladi?
Agar patologik jarayon chap buyrakda boshlangan bo‘lsa, u holda chap tomonda bel sohasida og‘riq paydo bo‘ladi va u ko‘pincha oshqozonga, pastki orqa sohaga va hattoki yoki yon tomonga ham o‘tishi mumkin.
Og‘riq chap buyrakda hosil bo‘lsa, u quyidagi kasalliklarni anglatishi mumkin:
- piyelonefrit;
- buyrakda tosh yoki qum paydo bo‘lgani;
- gidronefroz;
- nefroptoz;
- xavfsiz va progressga moyil bo‘lmagan o‘simtalar;
- saraton.
Buyrakda nima uchun og‘riq yuzaga kelganini faqat shifokor UTT tekshiruvi va umumiy qon tahlili orqali aniqlay oladi, shuning uchun shifoxonaga tashrifni kechiktirmaslik lozim. Chunki og‘riq va simptomlarning ko‘rinishiga qarab mustaqil ravishda tashxis qo‘yib bo‘lmaydi.
Masalan, piyelonefrit o‘tkir yoki surunkali shaklda kechishi, bir yoki ikkala buyrakni zararlashi mumkin. Surunkali piyelonefritda kasallikning alomatlarsiz yoki uncha sezilmaydigan belgilar bilan kechishi mumkin, bu hollarda bemorlar ushbu kasallikka nisbatan befarq bo‘ladi va ular davolanishga jiddiy yondashmaydi.
O‘tkir piyelonefritda kasallik to‘satdan namoyon bo‘ladi, tana harorati 39-40 °C darajagacha ko‘tariladi. Ishtahaning yo‘qolishi, kuchli holsizlik, bosh og‘rig‘i, ba’zan ko‘ngil aynishi va qayt qilish bilan birga kechadi. Tibbiy ko‘rikda bel sohasi bosib ko‘rilganda og‘riq kuchliroq namoyon bo‘ladi.
Buyrak-tosh kasalligi buyraklarda tuzlardan iborat qattiq moddalar hosil bo‘ladigan kasallikdir. Bu toshlar o‘lchami bir necha millimetrdan 10 santimetrgacha yetishi va shakli bilan farq qilishi mumkin. Ba’zi hollarda toshlar qovuqqa o‘tishi yoki siydik yo‘llarida qotib qolishi mumkin. Bu kasallikda siydik qon bilan kelishi, turli mashqdan keyin og‘riq kuchayishi, o‘tkir og‘riq chidab bo‘lmas darajada kuchli bo‘lishi kuzatiladi.
Og‘riq o‘ng tomonda hosil bo‘lsa, ayollarda quyidagi kasalliklarni anglatishi mumkin:
Bel sohasining o‘ng tomonidagi og‘riq buyrak bilan muammolardan tashqari butunlay boshqa kasalliklarni anglatishi mumkin:
- appenditsit (bu ko‘richak qo'shimchasidagi yallig‘lanish jarayoni);
- mushaklarning tortilishi;
- kistalar
Yuqoridagi holatlarda ayollar tanasining orqa bel qismida og‘riq kuzatiladi, u harakat vaqtida kuchayishi mumkin. Bunday holatda vaqtni boy bermaslik va chidab bo‘lmaydigan kuchli og‘riqni kutmay, tez yordam chaqirish lozim. Masalan, kistalar tufayli kuchli og‘riqda kista yorilib, uning tarkibi qorin bo‘shlig‘iga kirishi mumkin Bunday holda peritonit rivojlanish xavfi juda yuqori bo‘ladi.
Favqulodda holatlarda buyraklarni davolash jarrohlik yo‘li bilan amalga oshiriladi. Agar tashxis o‘z vaqtida qo‘yilgan bo‘lsa, davolash dori vositalari orqali bajariladi va mikroblarga qarshi terapiya buyuriladi.
Izoh (0)