Iroq, Suriya va Eron Suriyadagi vaziyatni yanada rivojlantirishga tayyor bo‘lish uchun harakatlarni muvofiqlashtirishga kelishib oldi. Bu haqda Bag‘doddagi tashqi ishlar vazirlarining Suriyadagi vaziyat bo‘yicha yig‘ilishi yakunlari bo‘yicha bayonotida ma’lum qilindi.
“Suriyadagi o‘zgarishlarni kuzatish va yaqin kunlarda sodir bo‘ladigan har qanday o‘zgarishlarga tayyor bo‘lish maqsadida uch davlat o‘rtasida maslahatlashuvlar va muvofiqlashtirishni davom ettirish bo‘yicha kelishuvga erishildi”, deyiladi uchrashuv yakunlari bo‘yicha hujjatda.
Bundan tashqari, vazirlar “Suriya xavfsizligiga har qanday tahdid mintaqa uchun umumiy xavf tug‘dirishi”ni ta’kidladi. Ularning qayd etishicha, “mintaqadagi vaziyat keskinlashuviga qaratilgan barcha imkoniyatlarni yo‘q qilish bo‘yicha davom etayotgan maslahatlashuvlar, hamkorlik va diplomatik muzokaralardan” boshqa hech qanday muqobil mavjud emas.
Avvalroq Eron tashqi ishlar vaziri Abbos Araqchi uning mamlakati Suriyaga qo‘shin kiritishi mumkinligini aytib, buning shartlarini sanab o‘tgandi.
Agar Suriya hukumati Erondan mamlakatga qo‘shin kiritishni so‘rasa, biz bu iltimosni ko‘rib chiqamiz. Eron arab mamlakatlarida qarshilik guruhlariga rahbarlik qilmaydi va ular bilan tashkiliy munosabatlarga ega emas, lekin ularning ishini qo‘llab-quvvatlaydi va zarur bo‘lganda yordam beradi, dedi u.
Eron tashqi ishlar vaziri hozirda Amerika bilan muloqot qilish ko‘rib chiqilmayotganini aytdi. U Eronning yadro muzokaralari haqida gapirdi.
Yevropa bilan yadro ishi bo‘yicha muzokaralarga pessimistik munosabatda bo‘lishga ko‘plab sabablar bor. Ayni paytda biz Vashington bilan gaplashmoqchi emasmiz. Chunki bunday suhbat uchun hech qanday asos yo‘q, dedi Arakchi.
Uning so‘zlariga ko‘ra, Eron yangi Amerika hukumati qanday siyosat yuritishini kutadi, shundan keyin o‘z siyosatini ishlab chiqadi.
Izoh (0)