Marvel filmlari faqatgina yorqin maxsus effektlar, qahramonlarning mohirona janglari va xilma-xil personajlardan iborat emas. Undagi har bir film, ssenariy va va hatto oddiy bir kostyum ortida bir necha oylik mehnat, ijodiy tajribalar va tomoshabinlar kamdan-kam ahamiyat beradigan ko‘plab kutilmagan detallar bor.
Sahna orti suratda aktyorlar kulgili vaziyatlarga yoki turli jismoniy qiyinchiliklarga duch kelishadi. Masalan, Tom Holland uchun o‘rgimchak odam kostyumini kiyib-yechish juda mushkul bo‘lgani sababli aktyor ko‘z atrofidagi tirqishdan suv ichishga majbur bѳ‘lgan.
Marvel filmlarida bir-biri bilan jang qiladigan ko‘plab sahnalarda qahramonlar juda mard va jasur qiyofada namoyon bo‘ladi. Ammo bunday sahnalarni suratga olish aksariyat hollarda hech qanday raqibsiz amalga oshiriladi va aktyorlar shunchaki bo‘shliq bilan “jang” qilishiga to‘g‘ri keladi. Masalan, Kapitan Amerika filmi syomkasida aktyor Kris Evans bir necha bor “o‘zi bilan o‘zi” kurashgan. Qiziqarlisi, aktyorlar aynan kim bilan jangga tushishini avvaldan bilmaydi, chunki barcha kompyuter grafikasi keyinroq paydo bo‘ladi.
Filmni yaratish jarayonida qiziqarli holatlar ham tez-tez sodir bo‘ladi. Ba’zida aktyorlar jiddiy sahnalarda o‘zlarini kulgidan to‘xtata olmay qolishi mumkin. Masalan, Toni Starkning dafn marosimidek dramatik daqiqalarda ham suratga olish maydonidagi do‘stona va ijobiy kayfiyat saqlanib qolgan.
Quyida ana shunday qiziqarli sahna orti suratlaridan lavhalar keltiramiz.
Izoh (0)