Sobiq turmush o‘rtoqlar — Bred Pitt va Anjelina Jolining olti nafar farzandi bor. Anjelina 2002-yilda kambojalik Meddoksni, 2005-yilda efiopiyalik Zaxarani hamda 2007-yilda vyetnamlik Paks Tyen ismli bolani asrab olgan. Juftlikning Shaylo ismli qizi, Noks Leon va Vivyen Marshelin ismli egizaklari ham bor. Ularning hech biri hozircha shou-biznes sohasida karyera qurishga shoshilmayapti. Faqatgina kenja qiz Vivyen teatr sohasida ishlab kelmoqda.
-i1wZZnug.webp)
Gollivudning yorqin juftligi 2016-yilda ajrashdi. Yillar davomida cho‘zilgan sud ishlari vaqtida Bred Pitt farzandlari bilan aloqalarni yo‘qotdi. Dastlab ularning barchasi Joli-Pitt familiyasiga ega edi, hozirda barcha bolalar otasining familiyasidan voz kechgan.
Meddoks
Anjelina birinchi farzandini 2002-yilda Kambojada asrab olganida Meddoks yetti oylik chaqaloq edi. Voqeadan uch yil o‘tgach, Joli Pitt bilan uchrashishni boshladi va u bolaga otalik qilishga rozi bo‘ldi. Meddoks kinodagi debyutini 12 yoshida, otasining “Olamlar jangi” filmida epizod rolini o‘ynagan. 15 yoshida u Anjelinaning Kambojadagi genotsid haqidagi “Ular avval otamni o‘ldirishdi” nomli filmning ijrochi prodyuseri bo‘ldi.
Shundan so‘ng Meddoks bor e’tiborini ta’limga qaratdi. 2023-yilda u Janubiy Koreyaning Seul shahridagi Yonsey universitetini bitirdi. Meddoks ingliz tilidan tashqari fransuz, nemis va koreys tillarini biladi hamda biokimyo va aviatsiya sohalariga qiziqadi.
Zaxara
2005-yilda Efiopiyada Anjelina Joli olti oylik Zaxarani asrab oldi. O‘sha sayohatda aktrisaga Bred Pitt ham hamrohlik qildi va oradan bir yil o‘tgach, qizaloqqa rasman otalik qila boshladi. Zaxara 14 yoshidan boshlab modaga qiziqa boshladi va Robert Prokop bilan hamkorlikda o‘zining zargarlik buyumlari sotuvini yo‘lga qo‘ydi. Bundan tashqari, u xayriya ishlarini yaxshi ko‘radi va ijtimoiy yordam berish kampaniyalarida onasi bila faol ishtirok etadi. 2022-yilda Zaxara Spelman kollejiga o‘qishga kirgan.
Shaylo
2006-yil may oyida Namibiyaning Svakopmund shahrida Joli va Pittning Shaylo ismli qizi tug‘ildi. U ikki oylik bo‘lganida chaqaloqqa atab Nyu Yorkdagi Madam Tyusso muzeyida mum haykali o‘rnatildi. Qizaloq ikki yoshida otasi bilan “Benjamin Battonning sirli voqeasi” filmida rol o‘ynadi. Shuningdek, Shaylo 2016-yilda “Kung-fu panda-3” filmidagi Shuayga ovoz berdi.
Zaxara hozirda raqsga qiziqadi. U Kaliforniyadagi Movement Lifestyle studiyasida xoreograf Lil Kelaan Karterdan tahsil oladi.
Paks
2007-yilda Vyetnamda Anjelina Joli Paks ismli uch yoshli bolani asrab oldi. Mamlakatning turmush qurmagan juftliklarga qarshi bo‘lgan qoidalari tufayli u Paksni yolg‘iz o‘zi asrab oldi, ammo Bred tez orada uning rasmiy otasiga aylandi. Yigit bolaligida “Malefisenta” filmida kichik rol o‘ynagan. Shuningdek, u “Kung-fu panda-3” filmidagi qahramonlarga ovoz bergan.
Paks Meddoksga “Ular avval otamni o‘ldirishdi” filmida ishlashga yordam berdi. So‘ng aktrisaning yangi brendi — Atelier Jolie’ning flagman do‘koni dizaynini ishlab chiqishga yordam berdi. Paks musiqa va dijeylikka qiziqadi. Avgust oyida yigit mototsiklda baxtsiz hodisaga uchradi. Uning reabilitatsiyasi hozir ham davom etmoqda.
Noks
2008-yilning iyul oyida Joli va Pitt Fransiyaning Nitsse shahrida egizaklar Noks va Vivyenni dunyoga keltirdi. Oktyabr oyida Anjelina kenja o‘g‘li juda uyatchan ekani va ommaga chiqishni istamasligi haqida ma’lum qildi.
Vivyen
Vivyen yoshligida onasi bilan “Malefisenta” filmida rol ijro etganida aktyorlik faoliyatini boshlagan. U El Fenning obrazini ekranda gavdalantirgan. 2023-yilda Anjelina kenja qizi teatr sohasiga katta qiziqish bildirayotgani haqida ma’lumot berdi. Vivyen “Chekishning telbalikka olib kelishi: myuzikl” (Reefer Madness: The Musical) taqdimotida bilet sotuvchisi sifatida ishlab ko‘rdi.
Vivyenning teatrga bo‘lgan qiziqishi ortishiga Frensis Ford Koppolaning 1983-yilda suratga olingan “Quvilganlar” filmi asosida sahnalashtirilgan “Quvilganlar” (The Outsiders) spektakli turtki bo‘ldi. Vivyen ushbu loyiha ustida ko‘ngilli yordamchi sifatida ishladi va spektakl 2024-yilda “Toni” mukofotining eng yaxshi musiqiy film nominatsiyasida g‘olib chiqdi.
Izoh (0)