O‘zbekistonlik professional bokschi Shahram G‘iyosovning Butunjahon boks assotsiatsiyasi (WBA) kamari uchun litvalik Eymantas Stanionisga qarshi jangi 1-mart kuni o‘tkaziladi. Bu haqda O‘zbekiston Professional boks federatsiyasi matbuot xizmati xabar berdi.
Ma’lumotlarga ko‘ra, ushbu chempionlik jangi 2025-yilning 1-mart kuni AQSHning Bruklin shahridagi “Barclays Arena”da tashkil etiladigan professional boks oqshomi doirasida o‘tkaziladi. Jang asosiy karddan o‘rin olgan.
Mazkur oqshomning markaziy jangida esa Jervonta Devis va Lamont Roach bahsi tashkil etiladi. Bu jang 14-dekabr kuni o‘tkazilishi kerak bo‘lgan, biroq keyinchalik 1-mart sanasiga ko‘chirilgandi.
Maʼlumot uchun, Stanionis so‘nggi jangini may oyi boshida Gabriel Maestrega qarshi o‘tkazib, ochkolar hisobiga ko‘ra zafar quchgandi. G‘iyosov esa 31-iyul kuni Migel Parra bilan jangda g‘alaba qozongan.
Izoh (0)