Germaniya Bundesligasining 11-turidan o‘rin olgan “Bavariya” va “Augsburg” uchrashuvi yakunlandi. O‘yin Myunxenning “Arena” stadionida bo‘lib o‘tdi. Uchrashuvning bosh hakami sifatida Daniel Shlager ishladi. Uchrashuv 3:0 hisobida mezbonlar foydasiga hal bo‘ldi.
“Bavariya”ning angliyalik futbolchisi Harri Keyn xet-trik qayd etdi. Hozirda futbolchi Bundesligada 50 ta golga ega bo‘lib, unga bu natija uchun 43 ta o‘yin kerak bo‘ldi. Shu tariqa Keyn norvegiyalik Erling Holandning 50 ta golni urish tezligi bo‘yicha rekordini buzib, Bundesliganing yangi rekordini o‘rnatdi. Dortmundning “Borussiya”si tarkibida futbolchi bu ko‘rsatkichga 50 ta o‘yinda erishgan.
Ma’lumot uchun, “Bavariya” Germaniya Bundesligasi turnir jadvalida birinchi o‘rinda bormoqda. Jamoa 11 uchrashuvda 29 ochko jamg‘argan. Navbatdagi turda Myunxen klubi Dortmundning “Borussiya”si bilan uchrashadi. Ushbu uchrashuv 30-noyabr kuni bo‘lib o‘tishi rejalashtirilgan.
Izoh (0)