Boks bo‘yicha sobiq mutlaq jahon chempioni Mayk Tayson faoliyatini yakunlamoqchi emas va navbatdagi jangini 2025 yilda o‘tkazishni rejalashtirmoqda. Bu haqda Tayson vakili TASS’ga xabar berdi.
Shanba, 16-noyabr kuni bokschi sakkiz raundlik jangda bloger Jeyk Polga hakamlarning yakdil qarori bilan yutqazdi.
“Mayk hali ham jang qilishni xohlaydi. U navbatdagi jangini 2025-yilda o‘tkazishi mumkin. Biz uning raqibi kim bo‘lishi haqidagi savollarga keyinroq javob beramiz”,— dedi bokschining vakili.
Ma’lumot uchun, Tayson 58 yoshda. Uning hisobida 50 ta g‘alaba (44 ta nokaut) va 7 ta mag‘lubiyat bor. Yana ikki jang haqiqiy emas deb topilgan.
Izoh (0)