O‘zbekistonlik bir qator faollar “Innovatsion g‘oyalar yetakchisi” ko‘krak nishoni bilan taqdirlandi

15-noyabr kuni InnoWeek-2024 xalqaro innovatsion g‘oyalar haftaligi doirasida “Innovatsion g‘oyalar yetakchisi” tanlovi g‘oliblarini ham taqdirlash marosimi bo‘lib o‘tdi. Bu yilgi tanlovga jami 97 nafar ishtirokchi hujjat topshirdi.

Qoraqalpog‘iston Respublikasi, viloyatlar va Toshkent shahar hokimliklarining “Innovatsion g‘oyalar yetakchisi” ko‘krak nishoni bilan taqdirlashga tavsiya etilgan 42 nafar nomzodning loyiha va hujjatlari Respublika komissiyasi aʼzolari tomonidan ko‘rib chiqilib, baholandi.

“Innovatsion g‘oyalar yetakchisi” ko‘krak nishoni komissiya aʼzolari tomonidan hisoblab chiqilgan eng yuqori ball to‘plagan 14 nafar nomzodga topshirildi va arizaga ko‘ra har bir hududdan 1 nafardan nomzod taqdirlandi.

Sovrindorlar ko‘krak nishoni, statuetka va 7,5 million so‘m miqdoridagi pul mukofoti bilan taqdirlanishdi.

• Qoraqalpog‘iston — Turemuratova Biybinaz Kenesbay qizi
• Andijon — Xashimjon Xalimov Xamidjanovich
• Buxoro — G‘aniyev Baxtiyor Shukurullayevich
• Jizzax — Musayev Sharof Mamarajabovich
• Navoiy — Shodiyev Asliddin Faxriddin o‘g‘li
• Namangan — Meliboyev Miraʼzam Foziljon o‘g‘li
• Qashqadaryo — Toshmamatov Bobur Mansurovich
• Samarqand — Safarova Lola O‘lmasovna
• Sirdaryo — Alijonov Jasurbek Rustambek o‘g‘li
• Surxondaryo — Xolmamatov Sherali Rustam o‘g‘li
• Toshkent viloyati — Rashidov Quvonchbek Turg‘unboy o‘g‘li
• Toshkent shahri — Baymuradov Shoxrux Maxmudovich
• Farg‘ona — Abdinazarov Xasanboy Xoliqnazarovich
• Xorazm — Sadullayev Sanjarbek Madiyarovich

Maʼlumot uchun, “Innovatsion g‘oyalar yetakchisi” ko‘krak nishoni O‘zbekiston Respublikasi Vazirlar Mahkamasining 2018-yil 2-oktyabrdagi 786-son qarori bilan taʼsis etilgan.