Qashqadaryolik tadbirkorga Surxondaryo viloyati prokuraturasini, Dehqonobod tuman prokuraturasi va IIB xodimlarini, shuningdek, Qashqadaryo prokuraturasining ayrim xodimlarini sotib olding degan Boysun prokurori o‘rinbosariga xizmat tekshiruvi tayinlandi. Bu haqda “Daryo”ga tadbirkorning o‘zi ma’lum qildi.
Boysun prokurori o‘rinbosari Namoz Avazov avvalroq Dehqonobod tumanida kavrak shirasi va danagini eksport qilish bilan shug‘ullanib kelgan tadbirkorni ekologiyaga zarar yetkazish, shuningdek, afg‘on fuqarosidan 53 ming dollar pulni olib, vaqtida mahsulot yetkazib bermaganlikda ayblayotgani xabar berilgandi. Yana bir tadbirkorning xabar berishicha, “zamprokuror” uni ham Surxondaryo viloyati prokuraturasi, Dehqonobod tuman prokuraturasi, IIB xodimlari va Qashqadaryo prokuraturasining ayrim xodimlarini sotib olishda ayblagan.
Sen Surxondaryo viloyati prokuraturasini ham sotib olding. Men hammasini bilaman. Surxondaryo viloyat IIB tergov boshqarmasi boshlig‘i Xurshid bilan ham yaxshiligingni bilaman, Laziz bilan yaxshiligingni ham bilaman. Xudodan qo‘rq, birovning puli-ku. Harom yeb uyalmaysanmi? Senga o‘xshagan zo‘rlar Dehqonobod tuman prokuraturaning bolalarini sotib olgansan, IIBni sotib olgansan. Qashqadaryo viloyat prokuraturasining ayrim xodimlarini sotib olgansan, shu bechoraning pulini ularga yedirtirib, o‘zing ham yeb yurgansan, deydi telefon orqali yana bir tadbirkorni qoralagan Boysun prokurori o‘rinbosari.
Tadbirkorning “Daryo”ga qo‘shimcha qilishicha, “zamprokuror”ning bu ishi Surxondaryo viloyati prokurori o‘rinbosari T.Qurbonovning nazoratiga olingan.
Viloyat prokurori o‘rinbosarining menga rasmiy xat orqali javob berishicha, Boysun prokurori o‘rinbosarining menga aytgan ayblovlari va tuhmatlari sabab unga xizmat tekshiruvi tayinlangan. “Zamprokuror” kasb odobi talablarini buzishda ayblanib, unga nisbatan chora ko‘rish masalasida yig‘ilgan hujjatlar viloyat prokuraturasining tegishli bo‘limiga yuborilgan, deydi tadbirkor Oybek Jo‘rayev.
Avvalroq Boysun prokurori o‘rinbosari Namoz Avazov boshqa bir tadbirkorni prokurorning laychasi va kissasi deb atagani uchun sud qaroriga ko‘ra 6 million 800 ming so‘m miqdorida jarimaga tortilgani ma’lum bo‘lgandi.
Izoh (0)