Buyuk Britaniya qirolichasi Kamilla nafas yo‘llari infeksiyasi bilan kasallandi. Shu sababli u ayrim tadbirlarda ishtirok etishdan bosh tortdi. Bu haqda Bukingem saroyiga tayanib, BBC xabar berdi.
Shifokorlar qirolichaga qisqa muddat dam olishni maslahat bergan. Bukingem saroyi u yaqin kelajakda sog‘ayib, dam olish kunlari Xotira kuniga bag‘ishlangan tadbirlarda ishtirok etishiga umid qilmoqda.
Fevral oyida Charlz III ga saraton kasalligi tashxisi qo‘yilgani ma’lum bo‘lgandi. U rasmiy vazifalarini bajarishda davom etmoqda, biroq ommaviy tadbirlardan o‘zini tiyib turibdi. Shuningdek, bu yil qirollik oilasining yana bir a’zosi — Uels malikasi Ketrin (Keyt Middlton) ham saraton kasalligiga chalindi.
Mart oyida u qorin bo‘shlig‘idagi jarrohlik amaliyoti paytida shifokorlar xavfli o‘smani topgani va saraton kasalligini aniqlaganini ma’lum qildi. Bu voqea malikaning bir necha oy davomida jamoatchilik e’tiboridan chetda qolganidan keyin sodir bo‘ldi.
Izoh (0)