UFC jangchisi Arman Sarukyan yanvar oyi o‘rtasida bo‘lib o‘tadigan Islom Maxachevga qarshi jangga tayyorgarlik ko‘rmoqda.
“Jang 18-yanvar kuni Los-Anjelesda bo‘lib o‘tishi rejalashtirilgan. Tayyorgarliklar allaqachon boshlangan”, — tasdiqladi Sarukyan jamoasi a’zosi.
Eslatib o‘tamiz, bu Sarukyan va Maxachev o‘rtasidagi ikkinchi jang bo‘ladi. Islom va Arman o‘rtasidagi dastlabki jang 2019-yilda bo‘lib o‘tgan va unda Maxachev hakamlar qaroriga ko‘ra g‘alaba qozongan edi.
Dog‘istonlik jangchi so‘nggi bor iyun oyida UFC 302 turnirida Dastin Poryega qarshi oktagonga ko‘tarilgandi. Islom 5-raundda Poryeni bo‘g‘ish uslubida mag‘lub etgan edi.
Sarukyan esa aprel oyida Charlz Oliveyra ustidan ochkolari hisobiga g‘alaba qozongan edi.
Izoh (0)