“Manchester Siti” klubi “Oltin to‘p”ni qo‘lga kiritgan Rodriga “Real” tomonidan bo‘layotgan qiziqishdan xavotirda. Bu haqda Cadena Ser xabar qildi.
Manba bergan ma’lumotga ko‘ra, ingliz klubi 28 yoshli futbolchi bilan tezkorlik bilan yangi shartnoma imzolash niyatida. Rodrining hozirgi shartnomasi 2027-yilning yoziga qadar amal qiladi. “Manchester Siti”ning eng ustuvor maqsadi mavsum so‘ngigacha yarim himoyachi bilan shartnomani uzaytirish borasida kelishuvga erishish hisoblanadi.
“Shaharliklar”ning fikricha, “Manchester Siti” klubi futbolchisi “Oltin to‘p” egasi bo‘lishi bu klubning rivojlanayotganidan darak beradi. Shu sababli yarim himoyachining klub uchun ahamiyati keskin oshgan.
Izoh (0)