Prezident qarori bilan Sherzod Karimov maktabgacha va maktab taʼlimi vazirining birinchi o‘rinbosari lavozimiga tayinlandi. Bu haqda “Yangi O‘zbekiston” nashri xabar berdi.
Sherzod Karimov 2006—2012-yillarda xalq taʼlimi tizimida, 2012—2018-yillarda o‘rta maxsus, kasb-hunar taʼlimi tizimida faoliyat yuritgan.
2018—2024-yillarda Vazirlar Mahkamasi taʼlim, ijtimoiy rivojlanish masalalari departamenti, kotibiyati bo‘limida yetakchi, bosh mutaxassis, sho‘ba mudiri, kotibiyati mudirining o‘rinbosari lavozimlarida faoliyat yuritgan.
U 2024-yil 28-fevraldan bugungacha Vazirlar Mahkamasi “Mahalla yettiligi”, yoshlar siyosati va maʼnaviyat masalalari departamenti yoshlar siyosati, maktabgacha va maktab taʼlimi, sog‘liqni saqlash va maʼnaviyat masalalari bo‘limi boshlig‘i lavozimida ishlayotgan edi.
Avvalroq maktabgacha va maktab ta’limi vazirining birinchi o‘rinbosari bo‘lgan Usmon Sharifxo‘jayev Ijtimoiy himoya agentligi direktori o‘rinbosari etib tayinlangan edi.
Izoh (0)