Aksariyat insonlar mashaqqatli mehnat orqali pul topadi, ammo bugungi qahramonlarimiz tug‘ilishi bilanoq katta merosga ega bo‘lgan va bu imtiyoz kelajakda ularga kasb tanlashda ko‘plab afzalliklarni bergan. Quyida birinchi navbatda pul uchun emas, balki san’at sohasiga qiziqqani uchun aktyorlik sohasini tanlagan yulduzlarni ko‘rib chiqamiz.
Oliviya Uayld
Aktrisa va rejissyor Oliviya Uayld mashhur musiqiy prodyuserlar oilasida tug‘ilgan. U Harper’s Magazine jurnali muharriri, mashhur jurnalist otasi Endryu Kokbernning moliyaviy ko‘magi tufayli kino olamiga kirishga muvaffaq bo‘lgan.
Oliviyaning otasi uzoq vaqt davomida Mik Jagger bilan ishlagan. Aktrisa bolaligida ko‘p vaqtini Amerika Qo‘shma Shtatlarda, yozgi ta’tillarini esa Irlandiyada o‘tkazgan. Oliviyaga qolgan merosning miqdori 20 million dollarni tashkil qiladi.
Edvard Norton
Edvard Nortonning bobosi Jeyms Rouz ko‘chmas mulkni rivojlantirish bilan shug‘ullanuvchi The Rouse kompaniyasi asoschisidir. Jeyms prezidentning “Ozodlik” medali sohibi bo‘lgan, u binolar qurilishi, shaharni muhandislik jihatdan rejalashtirish bilan shug‘ullangan. Shuningdek, aktyorning bobosi butun mamlakat bo‘ylab arzon turar joy bilan ta’minlovchi Rouse Foundation notijorat tashkilotiga asos solgan. Ayni paytda Edvard Norton boyligi taxminan 70–80 million dollarga baholanmoqda.
Armi Hammer
“Oppog‘oy: Gnomlarning qasosi” filmida Valensiyaning o‘ziga bino qo‘ygan shahzodasi rolini ijro qilgan Armi Hammer hozirda Gollivudda persona non grata bo‘lsa-da, o‘ziga to‘q hayot tarzini yuritadi. Aktyorning bobosi Armand Hammer unga 16 million dollar meros qoldirgan.
Juliya Lui-Dreyfus
Maftunkor Julia Lui-Dreyfus fransuz milliarderi Jerar Lui-Dreyfusning qizi. U badavlat oilada tug‘ilganiga qaramay, mashhur teleseriallarda va Marvel filmlarida ishtirok etish orqali otasidan kelgan merosga o‘z mablag‘larini ham qo‘shgan. Yulduzning boyligi hozirda 250 million dollarga baholanmoqda.
Chevi Cheyz
Komik aktyor Chevi Cheyz Nyu-Yorkdagi obro‘li oilada katta bo‘lgan, uning onasi Crane kompaniyasining vorisi Kornelius Vanderbilt Kreyn bo‘lib, o‘g‘lini bolaligida asrab olgan. Aktyorning boyligi taxminan 50 million dollarga baholanmoqda, bu summaning salmoqli qismi uning shaxsiy gonorariga to‘g‘ri keladi.
Bruk Shilds
Bolaligidanoq san’at sohasida ishlab, “Moviy ko‘rfaz” melodramasi tufayli mashhur bo‘lgan aktrisa Bruk Shilds yirik biznesmenlar oilasidan chiqqan. Uning otasi Frensis Aleksandr Shilds kichik va marketing sohasida katta boylik orttirgan. 2003-yilda vafotidan keyin aktrisaga 25 million dollar meros qolgan.
Baltazar Getti
Aktyor va musiqachi Baltazar Getti neft magnati Gettilar oilasida tug‘ilib o‘sgan. Baltazarning otasi Jon Pol Getti III 1973 yilda Rimda bo‘lgan voqea tufayli o‘zining ziqnaligi bilan mashhur.
16 yoshli nabirasini o‘g‘irlab ketishgach, Jon Poldan17 million dollar talab qilishadi, ammo bu pulni to‘lash milliarder uchun “dahshatli isrofgarchilik” bo‘lib tuyuladi. Ammo yigitchaning kesilgan qulog‘i va soch tolasi xasis boboga ta’sir qiladi, u 3 million dollar to‘lashga rozi bo‘ladi, lekin bir shart bilan: 2,2 million dollarni o‘z hisobidan, qolgan 800 mingni o‘g‘liga yiliga 4 foiz bilan qarzga beradi.
O‘g‘irlangan nabirasi qo‘yib yuborilgach, pul undirish maqsadida o‘g‘rilikni rejalashtirgan deb gumon qilib, nabirasi bilan gaplashmay qo‘ygan.
Baltazar Getti bobosidan 250 million dollar boylikni meros qilib olgan.
Izoh (0)