Paxta mavsumida ishonch telefoni hamda ijtimoiy tarmoqlar orqali majburiy mehnat va mehnat huquqlari buzilishiga oid 283 ta murojaat kelib tushgan. Bu haqda AOKAda bo‘lib o‘tgan brifingda Kambag‘allikni qisqartirish va bandlik vazirligi Davlat mehnat inspeksiyasi boshlig‘i Abdusamad Abdukarimov ma’lum qildi.
Aytilishicha, murojaatlarning 26 tasi majburiy mehnatga jalb qilinganlik, 27 tasi munosib mehnat sharoitlari yaratilmaganligi, 219 tasi terim pullari o‘z vaqtida berilmayotganligi va qo‘lda teriladigan1 kg paxtaning narxi to‘g‘risidagi murojaatlardir.
O‘rganishlar davomida 37 ta murojaat qanoatlantirilgan, 200 ga yaqin murojaat bo‘yicha terimchilar va ish beruvchilarga tushuntirishlar berilgan, 35 ta murojaatdagi vajlar o‘z tasdig‘ini topmadi.
Davlat mehnat inspeksiyasi xodimlari tomonidan o‘rganish natijalaridan kelib chiqib, 13 ta fermer xo‘jaligi rahbarlariga yozma ko‘rsatma, 5 nafar mansabdor shaxsga nisbatan ma’muriy bayonnomalar rasmiylashtirilgan.
O‘zbekistonda paxta terimiga majburlash bilan bog‘liq holatlar Senatning Odam savdosiga qarshi kurashish va munosib mehnat masalalari bo‘yicha milliy komissiyasi tomonidan nazoratga olingani xabar qilingan edi.
Izoh (0)