Nigeriya shimolidagi Jigava shtatida yoqilg‘i tashuvchi sisterna portlashi oqibatida kamida 94 kishi halok bo‘ldi, 50 kishi jarohatlandi.
Mahalliy politsiyaning maʼlum qilishicha, qurbonlar va jarohatlanganlar soni dastlabki maʼlumotlarga ko‘ra taqdim etilgan. Halok bo‘lganlarning ko‘pchiligi avariya natijasida to‘kilgan yoqilg‘ini yig‘ishga uringan.
CNN suhbatdoshiga ko‘ra, baxtsiz hodisa 15-oktyabr kuni Magja shahrida sodir bo‘lgan. Yoqilg‘i sisternasi haydovchisi boshqaruvni yo‘qotib qo‘ygan, tanker ag‘darilib ketgan va yonilg‘i ariqqa to‘kilgan.
“Shundan so‘ng mahalliy aholi portlash sodir bo‘lgan paytda yoqilg‘ini saqlashga shoshilishdi”, deya qo‘shimcha qilgan u.
Jigava politsiyasi vakilining qayd etishicha, “odamlar halokat joyi atrofida to‘planishi ommaviy qurbonlarga sabab bo‘lgan.
Nigeriyada yonilg‘i tankerlari bilan bog‘liq baxtsiz hodisalar tez-tez sodir bo‘ladi. Sentyabr oyida Niger shtatida yuk mashinasi yo‘lovchilar va chorva mollarini olib ketayotgan yuk mashinasi bilan to‘qnashib ketishi oqibatida 59 kishi halok bo‘lgan edi. Federal yo‘l xavfsizlik komissiyasining hisob-kitoblariga ko‘ra, Nigeriyada har yili yo‘l harakati qurbonlari 40,000 ga yaqinlashmoqda.
AFP maʼlumotlariga ko‘ra, mamlakat prezidenti Bola Tinubu 2023-yilda subsidiyalarni bekor qilganidan so‘ng, Nigeriyada benzin narxi besh baravar ko‘tarilib, yonilg‘i taqchilligiga olib kelgan. Oqibatda avariyalardan keyin aholi sisternalardan yoqilg‘ini olishga majbur bo‘lmoqda.
Izoh (0)