Tojikiston milliy terma jamoasi noyabr oyida Rossiya bilan o‘rtoqlik o‘yini o‘tkazishdan bosh tortdi.
Tojikiston futbol federatsiyasi buning sababini jamoaning noyabr oyidagi xalqaro tanaffus davrida o‘tkaziladigan o‘yinlari allaqachon rejalashtirilib qo‘yilganligi bilan tushuntirdi.
“Rossiya Futbol Ittifoqi iyun-iyul oylaridayoq taklif bilan chiqqan edi, biroq noyabr oyiga uy uchrashuvlarini o‘tkazishni rejalashtirganmiz”, — deya ma’lum qildi Tojikiston futbol federatsiyasi.
Ilgari xabar qilinganidek, Rossiya Futbol Ittifoqi Suriya va Turkmaniston terma jamoalari bilan o‘rtoqlik o‘yinlari o‘tkazish bo‘yicha kelishuvga yaqin turibdi.
Shuningdek, Rossiyaning 11-oktyabrga mo‘ljallangan Pokiston bilan o‘yini ham noyabr oyiga ko‘chirilishi mumkin.
Eslatib o‘tamiz, FIFA va UEFA 2022-yil bahorida Rossiya terma jamoasini chetlatgandi, shuningdek, Rossiya klublari tashkilotlar tasarrufidagi barcha musobaqalarda ishtirok etmayapti.
Izoh (0)