Bugun, 6-oktyabr kuni Solt-Leyk-Siti shahrida (AQSH) aralash yakkakurashlar san’ati bo‘yicha UFC 307 turniri bo‘lib o‘tdi.
Kechaning markaziy jangida yarim og‘ir vazn toifasda chempon Aleks Pereyra da’vogar Xalil Rauntriga qarshi oktagonga ko‘tarildi.
5 raundga mo‘ljallangan jang muddatdan oldin 4-raundda yakuniga yetdi.
Jang davomida katta ustunlikka erishgan Pereyra 4-raundga kelib ketma-ket zarbalar bilan raqibiga bosim o‘tkazdi. Rauntri O‘zini himoya qila olmayotganini ko‘rgan hakam jangni to‘xtatdi.
Shu tariqa, Pereyra muddatidan oldin g‘alaba qozonib, o‘z kamarini muvaffaqiyatli himoya qildi.
Hozirda Pereyra hisobida 12 g‘alaba va ikkita mag‘lubiyat bor. Rauntri esa 12 g‘alaba va olti mag‘lubiyatga ega. Pereyra kamarini uchinchi bor himoya qildi.
Izoh (0)