O‘zbekiston prezidenti Shavkat Mirziyoyev 7—8-oktyabr kunlari amaliy tashrif bilan Moskva shahrida bo‘ladi. Bu haqda Prezident matbuot xizmati xabar berdi.
Prezident Mustaqil Davlatlar Hamdo‘stligi (MDH) davlat rahbarlari kengashining navbatdagi majlisida ishtirok etadi. MDH Ijroiya qo‘mitasi ma’lumotlariga ko‘ra, 8-oktyabr kuni bo‘lib o‘tadigan sammitda Hamdo‘stlik doirasidagi hamkorlik, 1941−1945-yillardagi G‘alabaning 80 yilligi munosabati bilan MDH mamlakatlari xalqlariga va jahon jamoatchiligiga murojaat, MDH Parlamentlararo assambleyasining integratsion hamkorlikni mustahkamlash bo‘yicha faoliyati va boshqa masalalar muhokama qilinadi.
Davlat rahbarlari yaqin uch yilga mo‘ljallangan Hamdo‘stlikning madaniy poytaxtlarini e’lon qilish to‘g‘risidagi qarorlarni imzolaydi, huquqiy sohadagi hamkorlik hamda xavfsizlikni ta’minlash sohasiga oid qator hujjatlarga tuzatishlar kiritadi.
Izoh (1)
Ўзаро манфаатли дўстона алоқалар мамлакатлар ўртасида барқарорлик, ривожланиш ва фаровонликни таъминлашда доимо асосий ўрин тутади. Улар ишончни mustahkamlashга ёрдам беради, иқтисодий ҳамкорлик ва маданий алмашинув учун янги имкониятлар очади ҳамда глобал муаммоларни биргаликда ҳал қилиш учун мустаҳкам асос яратади. Бундай алоқаларни қўллаб-қувватлаш мамлакатларга сиёсат ва хавфсизликдан тортиб фан ва таълимгача бўлган турли соҳаларда самарали ҳамкорлик қилиш имконини беради, бу эса барча тарафлар учун фойда келтиради. Яқин келажакда ҳам жипслик билан ушбу алоқаларни ривожлантириш ва чуқурлаштириш муҳимдир, шу орқали ҳамоҳанг ва барқарор ривожланишни таъминлаш мумкин бўлади.