O‘zbekistonda o‘tkazilayotgan futzal bo‘yicha Jahon chempionati finali bugun, 6-oktyabr kuni bo‘lib o‘tdi. Unda Braziliya jamoasi Argentina bilan bellashdi.
Uchrashuvning 6-daqiqasida Braziliya hisobni ochdi. Gol muallifi — Ferrao. 12-daqiqada Rafael hisobni 2:0 ko‘rinishiga olib keldi. Birinchi bo‘lim shu hisobda yakuniga yetdi.
Ikkinchi bo‘limni hujumkor boshlagan Argentina hisobni qisqartirishga harakat qildi. Uchrashuvga 6 daqiqa qolganda Argentina o‘ynovchi darvozabon bilan haraakat qildi. Braziliyaning mustahkam himoyasi argentinaliklarga qiyinchilik tug‘dirdi. 38-daqiqada Argentina vakili Matias Rosa hisobni qisqartirdi.
Ushbu hisob o‘yin yakunigacha saqlanib qoldi.
Shu tariqa uchrashuv braziliyaliklarning g‘alabasi bilan yakunlandi va ular 6-bor bosh sovrinni qo‘lga kiritdi.
Izoh (0)