“Inter Mayami” MLS’ning navbatdagi turida “Kolambus Kryu”ni 3:2 hisobida mag‘lub etdi. Bu natija jamoaga “Muxlislar qalqoni” kubogi sohibiga aylanish imkonini berdi.
“Inter Mayami” navbatdagi mavsum yakunlanishiga ikki tur qolganda 68 ochko jamg‘argan va eng yaqin raqibini 11 ochkoga ortda qoldirgan holda Sharqiy konferensiyada peshqadamlik qilmoqda.
Uchrashuvda argentinalik hujumchi Lionel Messi dubl qayd etgan bo‘lsa, urugvaylik Luis Suares yana bir golga mualliflik qildi.
Penaltini aniq amalga oshirgan Diego Rossi va Kucho Ernandes “Kolambus Kryu” darvozasini ishg‘ol qilishdi. Eslatib o‘tamiz, 63-daqiqadan boshlab Rudi Kamaso maydondan chetlatilganidan keyin mezbonlar ozchilikda o‘ynadi.
“Muxlislar qalqoni” kubogi KONKAKAF Chempionlar Ligasiga yo‘llanma beradi. Bir yil oldin Messi va uning jamoasi MLS pley-offiga ham chiqa olmagandi.
Navbatdagi o‘yinida “Inter Mayami” “Toronto”ga qarshi maydonga tushadi.
Izoh (0)