O‘zbekistonda aliment to‘lovlari oshadi, deb xabar bermoqda O‘zA axborot xizmati.
Majburiy ijro byurosining bo‘lim katta inspektori Hakimjon Ikromovga ko‘ra, aliment undiruvi 2024-yil 1-sentyabrdan boshlab, qarzdorning nafaqasiga qaratilgan ijro hujjatlari bo‘yicha to‘lanadigan aliment miqdori 15 foizga, 1-oktyabrdan boshlab, qarzdor pedagog xodimlarning ish haqiga qaratilgan ijro hujjatlari bo‘yicha to‘lanadigan aliment miqdori 15 foizga, xususiy sektor va byudjet tashkilotlarida faoliyat yurituvchi qarzdorlarning ish haqiga qaratilgan ijro hujjatlari bo‘yicha to‘lanadigan aliment miqdori esa 10 foizga oshadi.
Bundan tashqari, 2024-yil 1-oktyabrdan ishsiz aliment to‘lovchilar tomonidan to‘lanadigan aliment miqdori ham o‘rtacha 10 foizga oshadi.
Ma’lumot uchun: agar aliment to‘lovchi shaxs ishlamaydigan bo‘lsa yoki uning ish haqi va daromadini tasdiqlovchi hujjatlar taqdim qilinmagan bo‘lsa, aliment qarzi undirilayotgan vaqtda O‘zbekistondagi o‘rtacha oylik ish haqi miqdori bo‘yicha hisoblab chiqiladi.
Prezident farmoni bilan O‘zbekistonda 2024-yil 1-sentyabrdan pensiya va nafaqalar miqdori 15 foiz oshirilishi belgilangan. 1-oktyabrdan davlat tashkilotlari xodimlari, xususan, pedagoglar (oliy taʼlimdan tashqari) va shifokorlar ish haqi 15 foiz, boshqa xodimlar oyligi 10 foiz ko‘tariladi. Iqtisodiyot va moliya vazirligi departament direktori o‘rinbosari Shohrux Ishonqulov ish haqi, pensiya va nafaqalar qonunda belgilangan miqdorda oshirilganini aytgan.
Izoh (1)
Ассалому алайкум мани бир саволим бор эди ишсиз юрган 55 ёшли одам қанча алимент тўлаши мумкин соғлиги хам яхши эмас юрак хуружи бўлиб ўтган инфарк жавоб беришилани сўрардим