Jizzax viloyatida 13 nafar ayolni olib ketayotgan Damas haydovchisiga chora ko‘rildi. Bu haqda viloyat YHXB xabar berdi.
Ma’lum qilinishicha, holat 22-sentyabr kuni soat 18:00 lar atrofida Jizzax viloyati IIB JXX YHXB YPX inspektori tomonidan Jizzax viloyatining Baxmal tumani hududidan o‘tuvchi 4R-41 avtomobil yo‘lida kuzatilgan.
Damas to‘xtatib tekshirilganda haydovchi yo‘l harakati qoidalarining 159-bandini buzgan holda 13 nafar yo‘lovchi ayol, o‘zi bilan hisoblaganda 14 nafar shaxs harakatlanib ketayotgani aniqlangan. Haydovchiga nisbatan Ma’muriy javobgarlik to‘g‘risidagi kodeksning 128-moddasiga asossan bayonnoma rasmiylashtirilgan.
Bundan oldin Qashqadaryoda haydovchi Damas’da 19 nafar yo‘lovchi bilan ketayotgani, Samarqandda esa 18 nafar yo‘lovchi Damas salonida ketayotgani to‘g‘risida xabar berilgandi.
Shunindek, Surxondaryo viloyatida mashina saloniga 13 kishini mindirib harakatlangan Damas haydovchisiga chora ko‘rilgandi.
Izoh (0)