Checheniston rahbari Ramzan Qodirov urushga yuborilgan yana ikkita Cybertruck elektromobilini namoyish qildi. Ular Qodirovga berilgan va u urushga yuborgan Cybertruck kabi masofadan o‘chirib qo‘yilmagan.
Checheniston rahbari “mashinalar muntazam va uzluksiz ishlayotgani”ni aytdi. Uning fikricha, “G‘arb texnikasi yuklatilgan vazifalarni juda yaxshi uddalaydi”, chunki u “mobillik, qulaylik, manyovrlik” kabi xususiyatlarga ega.
Mashinalar normal va nosozliklarsiz ishlamoqda. Cybertruck uchun bundan yaxshi reklama o‘ylab topolmaysan. Ularni qanday qo‘llash kerakligini biz yaxshi bilamiz, deb yozdi Qodirov Telegram kanalida.
Checheniston rahbari 19-sentyabr kuni Ilon Mask unga berilgan mashinani masofadan o‘chirib qo‘ygani, Cybertruck’ni tortib ketishga to‘g‘ri kelganini aytgandi.
Mashina jangovar vazifalarni a’lo darajada uddaladi. U manyovrlik va ekipajni yaxshi himoya qilish xususiyatlarini namoyon etdi. Mana endi, Mask yaqinda Cybertruck’ni masofadan o‘chirib qo‘ydi. Bu erkakcha ish emas. Temir tulporni sudrab ketishga majbur bo‘ldik. Xo‘sh, Ilon, bu qanday gap? Shunday qilinadimi?, degandi Ramzan Qodirov.
U 17-avgust kuni Telegram kanalida pulemyot o‘rnatilgan Cybertruck videosini e’lon qilgandi. Checheniston rahbari elektr pikapni shaxsan sinovdan o‘tkazib, u urushga yuborilishini aytgan.
“Ilon, rahmat! Grozniyga keling, sizni eng aziz mehmonim sifatida qabul qilaman! Bizning Rossiya TIV bunday sayohatga qarshi bo‘ladi deb o‘ylamayman. Va, albatta, biz sizning yangi ishlanmalaringizni kutamiz”, degan edi Qodirov.
lon Mask bunga javoban X ijtimoiy tarmog‘ida Qodirovga hech qanday avtomobil sovg‘a qilmaganini bildirdi.
Siz shunchalik qoloqmisiz, men rus generaliga Cybertruck berdim deb o‘ylaysizmi? Bu hayratlanarli, deb yozgan Tesla rahbari.
Maskning Qodirovga javobi e’lon qilingandan biroz o‘tib, Checheniston rahbari yana Tesla asoschisiga murojaat qilgandi:
Ilon, qoloq odamlarga va sotqin ommaviy axborot vositalariga e’tibor bermang. Ular bilan chalg‘imasligingiz kerak, ishoning. Yangi cho‘qqilarni zabt etishda davom eting. Sizning ishlanmalaringiz bizga katta yordam bermoqda!, degan u.
Izoh (0)