Hindiston 2024-yilning yanvar-avgust oylarida 32,294 milliard dollar, shu jumladan, avgust oyida 10,06 milliard dollarlik oltin import qilgan.
Hindiston Savdo va sanoat vazirligi materiallariga ko‘ra, 8 oy ichida oltin importi o‘tgan yilning shu davriga nisbatan 30 foizga oshgan.
Shu bilan birga, 2024-yil avgust oyida import 2023-yil avgust oyidagi xaridlardan 2 baravar va 2024-yil iyuliga nisbatan uch baravar ko‘p bo‘ldi. Bu Hindiston ommaviy axborot vositalarining hisob-kitoblariga ko‘ra, tarixiy rekord hisoblanadi.
Hindistonning savdo va sanoat komissari o‘rinbosari Sunil Barthval oltin importining o‘sishining sababini baholadi.
Oltin importi o‘sishining asosiy omillari qatoriga bojlarning kamayishi, jahon oltin narxining oshishi, shuningdek, bayram mavsumi oldidan qimmatbaho metallar zaxiralarining to‘planishi kiradi, dedi Sunil Barthval.
Hindiston dunyodagi eng yirik oltin iste'molchilaridan biri bo'lib, deyarli oltin ishlab chiqarmaydi. 2024-yilning birinchi yarmi yakuniga ko‘ra, mamlakatga 19,103 milliard dollarlik salkam 305 tonna oltin import qilingan.
- Avvalroq yil boshidan beri oltin narxi 23 foizga o‘sgani xabar berilgandi.
- Chikago tovar birjasida 13-sentyabr kuni bo‘lib o‘tgan so‘nggi savdolarda esa oltin bir troya unsiya uchun 2581,9 dollarga yoki grammi uchun 83 dollargacha qimmatlagan.
Izoh (0)