Nyu York politsiyasi rahbari korrupsiya bo‘yicha tergovlar fonida iste’foga chiqdi

Nyu York politsiyasi (NYPD) komissari Edvard Kaban iste’foga chiqdi.

Bu haqda Nyu York meri Erik Adams brifingda ma’lum qildi.

U, shuningdek, sobiq FQB agenti va Nyu Yorkdagi Ichki xavfsizlik departamentining sobiq rahbari Tom Donlon NYPDning vaqtincha rahbari bo'lishini e'lon qildi.

Puerto-Rikolik Edvard Kaban 2023-yil 1-iyulda shahar politsiyasi boshlig‘i etib tayinlangandi. U mazkur lavozimdagi birinchi ayol Kvichant Sevel o‘rnini egalladi.

The New York Times uning iste'fosini izohlar ekan, politsiyaga aslida Edvard Kaban emas, balki shahar meri Erik Adams va uning ma'muriyati a'zolari rahbarlik qilganini ta’kidladi. Adams 20 yildan ortiq Nyu-York politsiyasida faoliyat yuritgan.

O'tgan haftada AQShning Nyu York janubiy okrugi prokuraturasi va Ichki daromad xizmatining jinoiy bo'limi NYPDning yuqori martabali a'zolariga nisbatan katta tergov olib borayotgani ma'lum bo'lgandi.