Belarus prezidenti Aleksandr Lukashenkoning Minsk va Tehron Yaqin Sharq va Yevropa mintaqasidagi keskin harbiy-siyosiy vaziyatni inobatga olgan holda birgalikda harakat qilishlari kerakligini ma’lum qildi.
“Yaqin Sharqda, Belarus chegaralari yaqinida, Yevropa mintaqasida keskin harbiy-siyosiy vaziyat yuzaga kelganda bizga nafaqat maslahatlashuvlar, balki mamlakatingiz bilan birgalikdagi harakatlar ham zarur. Biz ko‘p qutbli dunyo tomon ketyapmiz. Bu juda qiyin yo‘l bo‘ladi. Yaxshiyamki, Eronda ham, boshqa mamlakatlarda ham buni yaxshi tushunishadi”, deydi Lukashenko Eron Milliy xavfsizlik oliy kengashi kotibi Ali Akbar Ahmadian bilan uchrashuvda.
Uchrashuv chog‘ida u, shuningdek, Eronga ShHTga aʼzo bo‘lishda ko‘rsatgan ulkan yordami uchun minnatdorchilik bildirgan. Lukashenkoning so‘zlariga ko‘ra, qarama-qarshilikning hozirgi murakkab sharoitida xavfsizlik masalalari birinchi o‘ringa chiqadi.
“Iqtisodiyot ishlasa, mamlakatlar o‘rtasidagi savdo-iqtisodiy munosabatlar juda jiddiy va jadal rivojlansagina xavfsizlik samarali bo‘lishini tan olish zarur”, deydi Lukashenko.
Belarus yetakchisi savdo-iqtisodiy munosabatlarning sekinlashishiga yo‘l qo‘ymaslik kerakligini yana bir bor taʼkidlagan. Uning qo‘shimcha qilishicha, bu ikki davlat o‘rtasidagi harakatlar va munosabatlarning asosi, poydevori hisoblanadi.
Izoh (0)