Ukraina 10-sentyabr kuni Rossiyaning to‘qqizta hududiga 100 dan ortiq dron uchirdi. Bu haqda Rossiya Mudofaa vazirligi xabar berdi.
![](/static/2024/09/10/photo_2024-09-10_10-49-22-ZLinLfBe.jpg)
Mudofaa vazirligiga ko‘ra, mudofaa tizimlari 114 ta Ukraina samolyoti tipidagi dronlarni yo‘q qilgan va tutib olgan. Eng ko‘p dronlar Bryansk viloyati hududi ustida urib tushirilgan — ularning soni 72 ta.
Moskva viloyatida 20 ta, Kurskda 14 ta, Tulada 13 ta, Belgorodda 8 ta, Kalugada 7 ta, Voronejda 5 ta, Lipetskda 4 ta va Orlov viloyatida 1 ta dron yo‘q qilingani aytilmoqda. Rossiya Mudofaa vazirligi an’anaviy ravishda hujum oqibatlari haqida ma’lumot bermagan.
Avvalroq Ukraina prezidenti Vladimir Zelenskiy mamlakat “urushni Rossiyaga qaytarishi, shunda Rossiya prezidenti tinchlikka intila boshlashi”ni ta’kidlagandi.
Izoh (0)