Toshkent viloyati Qibray tumanida 26-avgust kuni tezkor tadbir o‘tkazildi. Bu haqda Ichki ishlar vazirligi matbuot xizmati xabar berdi.
Maʼlum qilinishicha, o‘tkazilgan tezkor tadbirda Bo‘stonliq tumanidagi Yakkatut mahallasidan 3,5 gektar hokimlik zaxirasidagi yer maydonini “auksion o‘yinlari” yordamida olib berishni vaʼda qilgan shaxs qo‘lga olindi. Mazkur shaxs hujjatlarni rasmiylashtirib berish evaziga 1,5 mln dollar talab qilgan va bo‘nak sifatida 50 ming dollar olgan vaqtida ushlangan.
Shuningdek, Qibray tumanida yashovchi ikki nafar fuqaro Bo‘stonliq tumani davlat zaxirasidagi 1,2 gektar qishloq xo‘jaligi ekin yer maydonini 384 ming dollarga sotishga kelishgan.
Ular yuqori lavozimda ishlaydigan tanishlari orqali yerni rasmiylashtirib berishni vaʼda qilib, 20 ming dollarni bo‘nak tarzida olgan vaqtida ushlangan.
Ikki holat bo‘yicha ham jinoyat ishi qo‘zg‘atilgan, tergov harakatlari olib borilmoqda.
Izoh (0)