Rossiyaning Sankt-Peterburg shahridagi omborda o‘zbekistonlik ishchi tigel press ichiga kirib ketishi oqibatida vafot etdi. Bu haqda “78.ru” xabar berdi.
Voqea 6-sentyabr kuni Pervomayskiy tumanidagi omborxonada sodir bo‘lgan. 26 yoshli o‘zbekistonlik yigit ehtiyotsizligi sababli tigel pressiga kirib ketgan. Yigit olgan jarohatlari tufayli vafot etdi.
“Voqea joyiga tergov guruhi yetib kelgan. Ishchining jasadi o‘lim sababini aniqlash uchun o‘likxonaga jo‘natildi”, deyiladi xabarda.
Ma’lum qilinishicha, fuqaro migratsiya organlarida ro‘yxatdan o‘tmagan va rasman ishga joylashmagan.
Hozirda holat yuzasidan surishtiruv ishlari olib borilmoqda. Shuningdek, “mehnat xavfsizligi qoidalarini buzish” moddasi bo‘yicha jinoyat ishi qo‘zg‘atish masalasi hal qilinmoqda.
Izoh (0)