Fransiyaning Parij shahrida yozgi Paralimpiya o‘yinlari davom etmoqda.
31-avgust kungi bahslardan so‘ng jadvalning yuqori qismi quyidagicha ko‘rinish olgan. Xitoy 20 ta oldin, 15 ta kumush hamda 7 ta bronza medal bilan yetakchilik qilmoqda. Buyuk Britaniya esa 11 ta oltin, 8 ta kumush va 6 ta bronza medal bilan 2-o‘rinni band etgan. Braziliya esa (8-3-12) kuchli uchlikni yakunlab bergan.
O‘zbekiston delegatsiyasi 5 oldin, 3 ta kumush hamda 3 ta bronza medal bilan 7-o‘ringa ko‘tarilib oldi.
O‘zbekiston delegatsiyasi tarkibida o‘tgan kunlarda para yengil atletikachi Asila Mirzayorova, para yengil atletikachi Qudratullaxon Ma’rufxo‘jayev oltin, para taekvondochi Ziyodaxon Isoqova hamda para yengil atletikachi Kubaro Hakimovalar kumush, para suzuvchi Muslima Odilova hamda para yengil atletikachi Tolibboy Yo‘ldoshev bronza medalini qo‘lga kiritdi.
31-avgust kungi bahslarda para yengil atletikachi Yorqinbek Odilov, para taekvondochi Asadbek Toshtemirov, para yengil atletikachi Elbek Sultonov oltin medalni, para taekvondochi Guljanoy Naimova esa kumush medalni, para yengil atletikachi Mohigul Hamdamova bronza medaliga sazovor bo‘ldi.
Izoh (0)