AQSH prezidentligiga nomzod Donald Trampni Arizona shtatidagi saylovoldi tadbirida o‘ldirish bilan tahdid qilgan erkak hibsga olindi. Bu haqda politsiyaga tayanib, Fox News xabar berdi.
Qo‘lga olingan shaxs 66 yoshli Ronald Li Sivrud hisoblandi. U ikki kun davomida ijtimoiy tarmoqlarda Trampga tahdid qilgan postlarni joylashtirgan. Erkakning avvalgi qonunbuzarliklari qatorida mast holda transport vositasini boshqarish, keyin shu ish bo‘yicha sudga kelmaslik, yo‘l-transport hodisasi joyidan qochish va bolaning jinsiy daxlsizligiga qarshi jinoyat uchun huquqni muhofaza qilish organlariga taslim bo‘lmaslik bor.
“Uning Pensilvaniyadagi (Trampga nisbatan iyul oyida suiqasd sodir etilgan joy) suiqasd bilan hech qanday aloqa aniqlanmadi va biz mahalliy, davlat va federal idoralar bilan hamkorlik qilmoqdamiz”, deydi politsiya.
Hibsga olingan shaxsga qarshi hozircha hech qanday ayblov qo‘yilmagan.
Trampga suiqasd
Trampning hayotiga suiqasd 13-iyul kuni Pensilvaniyada saylovchilar oldidagi nutqi vaqtida sodir bo‘lgan. Keyinroq maxfiy xizmat 20 yoshli Tomas Metyu Kruks ekanligi aniqlangan gumonlanuvchini o‘ldirganini ma’lum qilgan. Hodisa oqibatida bir kishi halok bo‘lgan, kamida ikki kishi yaralangan. Suiqasd ortidan AQSH Maxfiy xizmati rahbari Kimberli Chitl iste’foga chiqqan.
Izoh (0)