Ma’lumki, hamma ertaklar ham baxtli yakun topmaydi va mana buning yana bir isboti.
Lui va Tessi (Lyuksemburg)
Bu romantik voqea o‘z vaqtida katta shov-shuvga sabab bo‘ladi. Lyuksemburg gersogining o‘g‘li ma’shuqasini deb taxtdan voz kechadi. Anri va Mariya Terezalarning besh farzandidan uchinchisi Lui Tessi Antoni bilan sobiq Yugoslaviyada uchrashadi, u yerda qiz Lyuksemburg tinchlikparvar missiyasi tarkibida xizmat qilgan. Serjant (darvoqe, oddiy g‘isht teruvchining qizi) qat’iyat va shijoat bilan harakat qiladi va qisqa vaqt ichida shahzodani aqldan ozdiribgina qolmay, undan farzand ham dunyoga keltiradi. Lyuksemburgning buyuk gersoglari va gersoginyalari bu xabarni qahramonona matonat bilan qabul qiladi: yoshlarning qarorini “to‘liq ma’qullaydilar” va noqonuniy tug‘ilgan bolani “merosxo‘r” deb e’tirof etadilar.
Turmush qurganda ikkalasi ham 21 yoshda edi. 2006-yil 29-sentyabrda ular nikohdan o‘tishadi va 10 yil baxtli yashashadi. Oddiy malika qirollik sulolasi vakili bilan yashagan yillar davomida faqatgina o‘zining shaxsiy hayoti haqida mukammallik bilan gapirishga o‘rganadi. Rasmiy bayonotida u bu haqiqatni tan olish “nihoyatda qayg‘uli” ekanligini ta’kidladi, biroq u Lui bilan haqiqatan ham ajrashayotganini ma’lum qiladi. Tessi “ikki o‘g‘lining tarbiyasi masalasida u bilan hamfikr bo‘lib qolishiga” va’da beradi va shuncha yillik hamjihatlikdan so‘ng yo‘llarining ajralishi naqadar achinarli ekanligidan afsuslanadi.
Qizig‘i shundaki, bir muncha vaqt Tessi va uning ikki farzandi faqat turmush o‘rtog‘ining nasl-nasabi — Nassau bilan kifoyalanishga majbur bo‘lishadi (Lui esa shahzoda unvonini saqlab qolgan). 2009-yilga kelib, Tessi nihoyat malika, farzandlari Gabriel va Noy esa shahzoda unvonini oladi. Buyuk Britaniyaga ko‘chib o‘tgandan so‘ng, yangi malika xayriya ishlari bilan shug‘ullangan. Hozirda Tessi diplomatiya sohasida magistrlik darajasini olish uchun o‘qishni davom ettirishni rejalashtirmoqda.
Marta Luiza va Anri (Norvegiya)
Norvegiya malikasi Marta Luiza va Anri Ben 2016-yil avgust oyida ajrashishlarini eʼlon qilishdi. Ularning sevgi hikoyasi ta’sirli edi, ularning nikohi deyarli mukammal edi, shuning uchun Norvegiya qirollik oilasining zamonaviy tarixidagi birinchi ajralish bo‘lgan buni jamoatchilik qabul qilish qiyin edi. Anri Ben Norvegiya malikasiga o‘qituvchilik qiladigan ayolning o‘g‘li edi. Anrining aytishicha, agar Marta Luiza malika bo‘lmaganida, ular bir necha hafta ichida unashtirilgan bo‘lardi — u yagona muhabbatini topganiga ishonchi komil edi. Aytgancha, Marta Luiza ham bolaligidan qirollik a’zosi emas, balki “oddiy odam” bo‘lishni xohlardi. Ammo qirol Xarald va qirolicha Sonja taxt vorisi bo‘lgan qizi oddiy yozuvchi bilan unashtirilishi haqidagi fikrga ko‘nika olmaydi.
Malika osongina hazrati oliyalari unvoni bilan voz kechib, 2002-yilda yoshlar turmush qurishadi. Anri Ben rafiqasining barcha tashabbuslarini qo‘llab-quvvatlaydi (qirollik hayotidan xayrlashganidan keyin u kitoblar yozadi, qo‘shiq aytadi, fizioterapevt bo‘lib ishlaydi va hatto o‘zining so‘zlariga ko‘ra, “farishtalar bilan muloqotda bo‘ladi”), lekin qirollik xonadonining unga nisbatan yomon munosabatidan juda qiynaladi.
Malika mazkur nikohidan uchta go‘zal qiz tug‘ildi, ammo hatto Londonga ko‘chib o‘tish ham — Marta Luiza bolalari albatta ingliz maktabida o‘qishlari kerak deb hisoblardi — er-xotinga muhabbatlarini saqlab qolishga yordam bermaydi. So‘nggi marta Marta Luiza va Ari qo‘l ushlashib, qirol Xaraldning toj kiyish yubileyida omma oldida paydo bo‘lishadi va shundan so‘ng ajrashishlarini e’lon qilishadi.
Biroq ajralish malika uchun og‘ir sinov emas, balki katta fojiaga aylanadi. 2019-yil 25-dekabrda 47 yoshli Ari Ben o‘z joniga qasd qiladi. O‘limining sabablari haligacha noma’lum.
Charlz va Diana, Anna va Mark, Endryu va Sara (Buyuk Britaniya)
Buyuk Britaniya qirollik oilasidagi nikoh va ajralishlar statistikasi juda qayg‘uli: qirolicha Yelizaveta IIning o‘zi yetmish yil davomida oilasini mustahkam saqlab turdi, uning to‘rt farzandidan faqat kenja o‘g‘li shahzoda Edvard hanuzgacha baxtli nikohda bo‘lib, faqat bir marta uylangan.
Albatta, shahzoda Charlz va malika Diananing ajrashishini alohida ta’kidlash kerak. 11 yillik turmushi davomida Charlz va Ledi Di ikki o‘g‘il — Uilyam va Garrini dunyoga keltirdi. 1992-yilda esa ular alohida yashayotganliklari haqida ma’lum qilishdi. Angliya qonunchiligiga ko‘ra, agar bunday holat 5 yildan ortiq davom etsa, turmush o‘rtoqlar ajrashgan hisoblanadi. Aynan shu variant Charlzga ma’qul bo‘ladi, ammo 1996-yilda Yelizaveta II ning talabi bilan bu nikoh rasman bekor qilinadi. Bir yildan so‘ng esa malika Diana avtohalokatda vafot etadi va 8 yildan keyin Uels shahzodasi Kamilla Parker Boulzga uylanadi.
Izoh (0)