Eronda Pokistondan Iroqqa shia ziyoratchilarni olib ketayotgan avtobusning avtohalokatga uchrashi oqibatida kamida 35 kishi halok bo‘ldi, 20 dan ortiq kishi jarohatlandi. Bu haqda Radio Pakistan agentligi xabar berdi.
Hodisa bir kun avval kechqurun Yazd provinsiyasidagi Dehshir-Taft qiyaligida sodir bo‘lgan. Dastlab avtobusning 28 nafar yo‘lovchisi halok bo‘lgani, yana 23 nafari jarohatlangani haqida xabar berilgan edi.
Ma’lum bo‘lishicha, avtobus mamlakatning sharqiy chegaralaridan kirib kelgan va mamlakat g‘arbiy chegaralari va Iroq tomon harakatlanayotgan bo‘lgan.
Voqea sodir bo‘lganidan bir necha daqiqa o‘tgach, shifokorlar va yo‘l harakati politsiyasi guruhi voqea joyiga yetib kelgan.
Yo‘l harakati politsiyasi mutaxassislari tomonidan olib borilgan dastlabki tergovga ko‘ra, ushbu avtobusning ag‘darilishiga asosiy sabab tormoz tizimining texnik nosozligi bo‘lib, katta qiyalik tufayli haydovchi boshqaruvni yo‘qotib qo‘ygan va YTH sodir bo‘lgan, deyiladi xabarda.
Izoh (0)