Qozog‘istonda Afg‘onistonda ishlab chiqarilgan ayrim anorli gazlangan ichimliklar taqiqlanishi mumkin. Bu haqda Tengrinews xabar berdi.
![](/static/2024/08/16/photo_2024-08-16_08-18-11--HIM8Feu.jpg)
Sog‘liqni saqlash vazirligi Sanitariya-epidemiologik nazorat qo‘mitasining ma’lumotiga ko‘ra, afg‘on gazli ichimligining talablarga muvofiqligi laboratoriyada tekshiriladi.
“Hozirda qo‘mita hududiy bo‘linmalari turli nomdagi (Afg‘onistonda ishlab chiqarilgan) anorli gazlangan ichimliklarni savdo obyektlaridan nazorat tariqasida sotib olmoqda va keyinchalik ularni laboratoriya ekspertizasidan o‘tkazmoqda”, deyiladi qo‘mita xabarida.
Nazorat xaridi natijalariga ko‘ra, ichimlik tarkibidagi bo‘yoqlar ruxsat etilgan me’yordan ortiq bo‘lgan taqdirda mahsulotni sotuvdan qaytarib olish va chaqirib olish kabi tezkor choralar ko‘riladi.
- Qozog‘istonda iyul oyida Royal, Paradise, Mani, Pure, “Zolotaya jizn” (“Oltin hayot”) anor ta’miga ega alkogolsiz gazlangan ichimliklar sinovdan o‘tkazilgandi. Bunga Qirg‘izistonda “Zolotaya jizn” ichimligini sotishni taqiqlash va O‘zbekistonda sanitariya tekshiruvlari sabab bo‘lgan.
O‘zbekistonda sotilayotgan Afg‘oniston anorli ichimligi sifat talablariga javob bermaydi
Iyul oyida mamlakatda sotilayotgan Afg‘onistonning anorli gazlangan ichimligi sifat talablariga javob bermasligi aniqlandi. Bu haqda Texnik jihatdan tartibga solish sohasida nazorat inspeksiyasi “Daryo”ga maʼlum qildi.
Bozorlar va savdo rastalarida sotilayotgan Royal savdo belgisi ostidagi anor sharbati mahsuloti texnik jihatdan tartibga solish sohasidagi meʼyoriy hujjatlar talabiga qay darajada mos kelishi o‘rganilgan.
Natijalarga ko‘ra, Royal savdo belgisi ostidagi anor sharbati mahsuloti tamg‘alanishi (markirovka) bo‘yicha UzTR.490-022:2017 “Oziq-ovqat mahsulotlarini tamg‘alash yuzasidan uning xavfsizligi to‘g‘risidagi umumiy texnik reglament”ining 8, 36, 53 va 58-bandlari talablariga nomuvofiqligi aniqlangan.
Akkreditlangan sinov laboratoriyasining xulosasiga ko‘ra, Royal mahsuloti tarkibida “Azorubin, E 122” moddasi belgilangan meʼyordan ortiq. Shu sababli ichimlik qadog‘ida “Tarkibida rang beruvchi (rang beruvchilar) mavjud, ular bolalarning faolligiga va diqqatiga salbiy taʼsir ko‘rsatishi mumkin” degan ogohlantiruvchi yozuv yozilishi kerak.
Izoh (0)