Turkiya hukumati mamlakatga kelayotgan xorijliklarning barmoq izlarini olishni rejalashtirmoqda. Bu haqda ichki ishlar vaziri Ali Yerlikaya Sabah gazetasiga ma’lum qildi.
“Turkiyaga kirishda, xuddi AQSH va Angliyada bo‘lgani kabi barmoq izlari olinadi”, dedi vazir loyihani amalga oshirish qachon boshlanishi rejalashtirilganiga aniqlik kiritmagan holda.
Shuningdek, u mamlakatda vaqtinchalik himoya maqomini olgan shaxslarning shaxsiy guvohnomalarini chiplash rejalari borligini ma’lum qildi. Bu, eng avvalo, Turkiyada yashovchi Suriya fuqarolariga taalluqlidir. Yerlikaya bunday hujjatlarni qalbakilashtirish mumkin emasligini va ularni tayyorlash allaqachon boshlanganini ta’kidladi. Turkiya Ichki ishlar vazirligi ma’lumotlariga ko‘ra, mamlakatda 4,4 million xorijlik bor, ulardan 3,1 millioni Suriya fuqarolari.
Izoh (0)