Saudiya Arabistoni Superkubogi. “An-Nassr” “At-Taavun” ustidan ishonchli hisobda g‘alaba qozondi va finalga yo‘l oldi

Futbol bo‘yicha Saudiya Arabistoni Superkubogining yarim final o‘yini bo‘lib o‘tdi.

“An-Nassr” “At-Taavun”ga qarshi bahs olib bordi. Uchrashuvning 8-daqiqasida Krishtianu Ronalduning uzatmasidan so‘ng Ahmed hisobni ochdi. Birinchi bo‘lim Ar-Riyod klubining kichik ustunli bilan yakunlandi. 

Ikkinchi bo‘limda esa portugaliyalik hujumchining o‘zi ham darvozani ishg‘ol etdi. 57-daqiqada Ronaldu o‘z nomini tabloga yozdirib qo‘ydi. Qolgan daqiqalarda darvozalar daxlsizligi saqlanib qoldi va “An-Nassr” final yo‘llanmasini qo‘lga kiritdi.

Seshanba kuni “Al-Hilol” penaltilar seriyasida “Al-Ahli” ustidan g‘alaba qozongan edi.

Shu tariqa “Al-Hilol” va “An-Nassr” finalda o‘zaro to‘qnash keladigan bo‘ldi. Ular o‘rtasidagi uchrashuv 17-avgustga belgilangan.

Saudiya Arabistoni Superkubogi

Yarim final

14-avgust, chorshanba

“At-Taavun” – “An-Nassr” 0:2

Gollar: 0:1 – Yahyo (8), 0:2 – Ronaldu (57).