UFC prezidenti Dana Uayt aralash yakkakurash bo‘yicha irlandiyalik jangchi, ikki vazn toifasida sobiq chempion Konor Makgregorning oktagonga qaytishi haqidagi savolga javob berdi.
“Konor bilan gaplashdim. Bu uchrashuvmas, shunchaki suhbat edi. Ha, u jang qilishni xohlaydi, barchasini hal qilamiz. Lekin joriy yilda emas. Makgregor 2024-yilda oktagonga ko‘tarilmaydi”, — deydi Dana Uayt.
Ma’lumot uchun, shu yilning iyun oyi oxirida Makgregor amerikalik Maykl Chandler bilan jang o‘tkazishi kerak edi. Ular UFC-303 da jang qilishlari kerak edi. Ammo irlandiyalik jangga tayyorgarlik chog‘ida oyoq barmog‘i singanidan so‘ng jang bekor qilindi.
Makgregor so‘nggi jangini 2021-yil iyul oyi Dastin Poryega qarshi o‘tkazib, oyog‘ini sindirib olgandi. Porye texnik nokaut evaziga g‘alaba qozongan edi.
Izoh (0)