Rossiya kuchlari Ukraina sharqidagi Pokrovsk hududiga so‘nggi 24 soat davomida o‘nlab hujumlar uyushtirgan. Bu haqda Rossiya harbiy maʼmuriyati bergan maʼlumotlarga asoslanib, Reuters nashri xabar berdi.
Manbada aytilishicha, rus bo‘linmalari Pokrovsk yo‘nalishi tomon ommaviy ravishda harakatlanmoqda. Ushbu hujum Ukrainaning Kurskdagi yurishlari surʼatini kamaytirish hamda Ukraina ichkarisida vahima uyg‘otish uchun uyushtirilgan bo‘lishi mumkin.
Bir qancha manbalar Rossiya Pokrovsk yo‘nalishida so‘nggi bir necha hafta davomida askarlar to‘plab kelganini aytgan. Pokrovskka hujumdan maqsad esa Kiyevni sharqiy viloyatlarga olib boruvchi logistika markazidan uzib qo‘yish bo‘lgan.
12—13-avgust kunlari Pokrovsk yo‘nalishida frontda 52 nuqtada to‘qnashuv kuzatilgan. Askarlar mudofaa pozitsiyalarini tark etib, raqib hududini ommaviy o‘qqa tutishi kuzatilgan.
Rossiya so‘nggi 24 soatda Pokrovskdan 20 km uzoqlikda joylashgan Xrodivka va Jelannoe hududlarini o‘qqa tutgan. Ushbu hududlarning bir qismi ruslar nazoratiga o‘tgan. Hujumda halok bo‘lgan va yaralangan askarlar soni maʼlum emas.
So‘nggi haftada Ukrainaning Kurskka hujumlari ortidan sharqiy frontda ham Rossiya faol harakatlar boshlagan. Bir muddat tinchib qolgan 1000 kilometrli mudofaa chizig‘i atrofida yan janglar boshlanib ketgan.
Mutaxassislar Pokrovsk egallansa, Ukraina uchun Donetsk viloyatidagi harbiy kampaniya to‘la muvaffaqiyatsizlikka uchrashini aytgan.
Izoh (0)