“Mariya” to‘foni tufayli Yaponiyada poyezdlar qatnovi to‘xtatildi va parvozlar bekor qilindi

“Mariya” tropik bo‘roni Yaponiyaning Xonsyu oroliga yetib bordi va bu transport tizimida uzilishlarga sabab bo‘ldi, deb xabar bermoqda Yaponiya OAV.

Xususan, Toxoku viloyatidagi noqulay ob-havo tufayli Morioka va Akita bekatlari o‘rtasida poyezdlar qatnovi cheklangan. Japan Airlines hamda All Nippon Airways aviakompaniyalari bir qator reyslarni bekor qildi. Qayd etilishicha, cheklovlar seshanba kuni ertalabgacha davom etishi mumkin.

Tabiiy ofat yakshanba kuni Ivate prefekturasiga yetib bordi, u yerda so‘nggi ikki kun ichida 46 sm gacha yomg‘ir yog‘di. Bundan tashqari, prognozlarga ko‘ra, seshanba kuni 25 sm gacha yog‘ingarchilik bo‘lishi kutilmoqda.

Avvalroq “Mariya” bo‘ron emas, balki kuchliroq tabiiy ofat —  tayfun sifatida tasniflangan edi. 

Yaponiya hukumati suv toshqinlari, sel va ko‘chkilar xavfidan ogohlantirib, Ivate, Aomori va Miyagi prefekturalarining 170 ming aholisini uylarini tark etishga va maxsus boshpanalarga joylashishga chaqirdi.