AQSH Yaqin Sharqqa yadroviy suvosti kemasini yuboradi. Bu haqda AQSH Mudofaa vazirligi tarqatgan bayonotga asoslanib, Reuters nashri maʼlum qildi.
![](/static/2024/08/12/reuters1-fiz-5mBw.jpg)
Manbada aytilishicha, AQSH mudofaa vaziri Lloyd Ostin Yaqin Sharqqa boshqariladigan yadroviy raketali suvosti kemasini joylashtirishni buyurgan. Ushbu maʼlumotni Pentagonning ko‘plab manbalari tasdiqlagan.
AQSH hukumatining ushbu qarori Isroil va Eron o‘rtasidagi keskinlik kuchayishi fonida qabul qilingan. Vashington rasmiylari qiruvchi samolyotlar va quruqlik qo‘shinlaridan tashqari suvosti kemalari ham Isroil mudofaasida qatnashishi kerak degan xulosaga kelgan.
G‘arb koalitsiyasi HAMAS va “Hizbulloh”ning yuqori martabali aʼzolari o‘ldirilganidan keyin Eron hujumi sodir bo‘lishiga tayyorlanmoqda. Yaqin Sharqdagi bir qancha ayg‘oqchilik agentliklari hujum 15-avgustgacha sodir bo‘lishi aytgan.
AQSH harbiylari tarqatgan xabarga ko‘ra, yadroviy suvosti kemasi USS Georgia iyul oyidayoq O‘rta Yer dengiziga kirib borgan. Endilikda u Isroil sohillariga olib boriladi.
Lloyd Ostin, shuningdek, “Avram Linkoln” tezkor hujum guruhiga ham Yaqin Sharqqa joylashishni buyurgan. Ushbu bo‘linmani bahsli mintaqaga yuborishdan maqsad hozircha aniq emas.
“Kotib Ostin Qo‘shma Shtatlarning Isroilni himoya qilish uchun barcha mumkin bo‘lgan qadamni tashlash majburiyatini yana bir bor taʼkidladi va mintaqaviy taranglikning kuchayishi munosabati bilan AQSH harbiy kuchlari pozitsiyasi va imkoniyatlarini Yaqin Sharqda kuchaytirayotganini taʼkidladi”, deyiladi Pentagon tarqatgan xabarda.
Oldinroq AQSH Isroilga qiruvchi samolyotlar eskadronini, harbiy kemalar esminetsini hamda ko‘plab og‘ir qurollarni joylashtirgan edi. Vashington faqat Isroilga hujum bo‘lgan taqdirdagina bu qurollardan foydalanishi aytilgan.
Izoh (0)